Makron SÖZ VERDİ: "Ukrayna və Aİ-nin suverenliyi məsələsinin..."

Parisdə Avropa liderləri ilə görüşdən sonra Fransa prezidenti Emmanuel Makron Volodimir Zelenski və ABŞ prezidenti Donald Trampla aparılan danışıqlar barədə məlumat verib.

Citypost.az  xəbər verir ki, Makron bu barədə X-də danışıqlara yekun vuraraq, yaxın günlərdə müzakirələri davam etdirəcəyinə söz verib.

“Biz Ukraynada davamlı və sabit sülh istəyirik”, - deyə o, əlavə edib ki, bunun üçün Rusiya tərəfindən hərbi əməliyyatların dayandırılması və Ukraynanın təhlükəsizliyinə güclü təminat lazımdır.

“Əks halda, bu barışıq Minsk razılaşmaları kimi bitəcək”, - deyə o, ABŞ, Avropa ölkələri və Kiyevlə birgə nizamlama işlərini davam etdirəcəyini vəd edib. “Mən bu müzakirələri yaxın bir neçə gün ərzində davam etdirəcəyəm”, o əlavə edib.

O qeyd edib ki, Avropa öz təhlükəsizliyinə və müdafiə imkanlarına daha çox diqqət yetirməlidir.

“İş həm Ukraynaya dəstək, həm də müdafiə sektorumuzun inkişafı və investisiyaları ilə bağlı Avropa Komissiyasının təklifləri əsasında davam etdiriləcək. 2022-ci ildə təyin olunan bu gündəm Versal sammitində o, həyata keçirilməlidir”, - Makron bildirib.

Yeganə