Zelenski Rusiya ilə ABŞ arasında aparılan danışıqları şərh edib

Ukrayna prezidenti Volodimir Zelenski deyib ki, Rusiya və ABŞ Kiyevin iştirakı olmadan münaqişənin həlli üçün danışıqlar apara bilməz.

Citypost.az xəbər verir ki, o, bu barədə Almaniyanın ARD telekanalına müsahibəsində bildirib.

Onun sözlərinə görə, Rusiya və ABŞ ikitərəfli münasibətləri yalnız istəsələr razılaşa bilərlər. Zelenski təkid edib ki, bu ölkələr Kiyevin iştirakı olmadan Ukraynadakı insanlar və həyatlar, eləcə də hərbi əməliyyatların dayandırılması barədə danışıqlar apara bilməzlər. O əlavə edib ki, Ukrayna müstəqil dövlətdir.

Bundan əvvəl Zelenski prezident Donald Tramp administrasiyasının Kiyevin NATO-ya üzvlüyü ilə bağlı qərarına görə Ukraynanın ABŞ üçün ikinci Əfqanıstan ola biləcəyini iddia edirdi. Onun sözlərinə görə, ABŞ-ın Əfqanıstandakı məğlubiyyəti Amerikanın əvvəlki prezidenti Co Bayden administrasiyasının qoşunları mümkün qədər tez çıxarmaq qərarına səbəb olub.

Bundan əvvəl Ukrayna prezidenti bildirib ki, Kiyev respublikaya təhlükəsizlik təminatlarının verilməsi əsasında sülhün bərqərar olmasının tərəfdarıdır. O əlavə edib ki, Ukraynanın ərazi bütövlüyü müzakirə olunmur.

Yeganə