"Rheinmetall" şirkətinin baş direktoru: "Avropada silah anbarları boşdur"

Almaniyanın "Rheinmetall" silah şirkətinin rəhbəri Armin Papperger bildirib ki, hazırda Aİ ölkələrində Ukraynanın təhlükəsizliyini təmin etmək və Rusiyanın mümkün təcavüzünə qarşı durmaq üçün kifayət qədər silah ehtiyatı yoxdur.

Citypost.az  xəbər verir ki, o, bu barədə “Financial Times”a müsahibəsində deyib.

“Avropalıların və ukraynalıların anbarlarında heç nə yoxdur”,-Pappergerin sözlərinə görə, bu vəziyyət Avropanın onilliklər ərzində müdafiə sahəsinə minimal investisiyalar yatırması və müvafiq xərclərin ÜDM-in 1%-i səviyyəsində saxlanmasını normal hesab etməsi ilə bağlıdır.

Papperger deyir ki, nəticədə ABŞ Aİ ölkələrinə “uşaq” kimi davranmağa başladı. “Valideynlər nahar edirsə, uşaqlar başqa masada oturmalıdırlar. ABŞ Rusiya ilə danışıqlar aparır və heç bir avropalı masa arxasında oturmur. “Avropalıların uşaq olduğu aydındır” deyə Rheinmetall rəhbəri izah edib.

Eyni zamanda o, ABŞ prezidenti Donald Trampın Rusiyanı Ukraynada “atəşkəsi dayandırmağa” məcbur edə biləcəyinə şübhə edir. Amma buna baxmayaraq, Papperger deyir ki, onun şirkəti hələ də fayda görəcək, çünki Avropa silah istehsalına sərmayə qoyacaq.

FT-nin istinad etdiyi rəsmi məlumatlara görə, Aİ-nin ümumi müdafiə xərcləri 2021-2024-cü illər arasında 30%-dən çox artaraq 326 milyard avroya və ya blokun ÜDM-nin təxminən 1,9%-nə çatacaq. Aİ-nin ən böyük iqtisadiyyatı olan Almaniya 2024-cü ildə ÜDM-nin təxminən 2%-ni müdafiəyə xərcləyəcək. Eyni zamanda Tramp NATO ölkələrindən müdafiəyə ÜDM-in ən azı 5%-ni xərcləmələrini tələb edib.

Rheinmetall Ukrayna müharibəsində istifadə edilən 155 mm-lik artilleriya mərmilərinin ən böyük alman istehsalçılarından biridir. Konsern Kiyevi tanklar, piyadaların döyüş maşınları və digər texnika ilə də təmin edirdi. Bundan əlavə, şirkət Ukraynada müdafiə fabriki açıb.

Yeganə