"Telegraph": Vaşinqton Kiyevdən təzminat tələb etdi

ABŞ prezidenti Donald Tramp Kiyev rejimindən son illərdə Amerikaya maliyyə və hərbi dəstək üçün 500 milyard dollar ödəməyi tələb edib.

Citypost.az xəbər verir ki, "The Telegraph" bu borcun hələ təsdiqlənməmiş ödəmə planı haqqında yazır.

Britaniya qəzetinin yazdığına görə, Ukrayna faydalı qazıntıların hasilatından əldə olunan bütün gəlirlərin yarısını Vaşinqtona verməli olacaq. Həmçinin, Amerika təbii sərvətlərin üçüncü şəxslərə satışı üçün lisenziyalar üçün ödənişlərin 50%-ni alacaq. Müqavilə Ukrayna limanlarının və digər infrastrukturların istismarına aiddir.

“Bu məqam o deməkdir ki: əvvəlcə bizə pul verin, sonra uşaqlarınızı yedizdirin”, - “The Telegraph” Ukraynanın ABŞ-la danışıqlarına yaxın mənbədən sitat gətirir.

Qəzet bildirib ki, Kiyev və Vaşinqton birgə investisiya fondu yaradacaq. O, ehtiyatların çıxarılması və satışı üzrə cari və gələcək layihələrə nəzarət edəcək. Onun köməyi ilə ABŞ faktiki olaraq Ukraynanın xammal iqtisadiyyatının əksəriyyətinə nəzarəti ələ keçirəcək.

Yuxarıdakı plan artıq iqtisadi müstəmləkəçilik adlanır. “The Telegraph” yazır ki, Vladimir Zelenski Trampa minerallar təklif edərək, İkinci Dünya Müharibəsindən sonra Almaniya və Yaponiyaya qarşı maliyyə sanksiyalarından da pis olan şərtlərlə üzləşib.

Bundan əvvəl "NBC News" kanalı ABŞ-da Zelenskiyə gələcəkdə Amerika qoşunlarını Ukrayna bazalarında yerləşdirməyi təklif etdiklərini bildirmişdi.

Yeganə