Belçika Kiyevə F-16-ların tədarükünə bu tarixdə başlaya biləcək

Krallığın Baş Qərargah rəisi Fredrik Vansina bildirib ki, Belçika 2025-ci ilin sonundan tez olmayaraq Ukraynaya daha əvvəl vəd edilmiş F-16 qırıcılarının tədarükünə başlaya biləcək.

Citypost.az xəbə verir ki, keçmiş müdafiə naziri Ludivine Dedonder bildirmişdi ki, krallıq 2024-cü ilin sonuna qədər Ukraynaya F-16 qırıcıları tədarük edə bilər.

Eyni zamanda, artıq dekabr ayında Belçika Müdafiə Nazirliyi vədi yerinə yetirə bilməyəcəyini açıqlamışdı.

"Biz tədarüklərə bu ilin sonuna qədər başlayacağımızı gözləyirik" dedi Belçika Baş Qərargahının rəhbəri. Belçika hakimiyyəti F-16-ların Ukraynaya çatdırılmasına “mümkün qədər tez” başlamağı planlaşdırırdı. Ümumilikdə krallığın 2028-ci ilə qədər Kiyevə 30 belə qırıcı təhvil verməsini nəzərdə tuturdu, lakin vaxtın F-35-lərin Brüsselə təhvil verilməsindən asılı olduğu qeyd edilib.

"Responsible Statecraft"-ın köşə yazarı Den Qrazer deyir ki, Amerikanın beşinci nəsil F-35 qırıcısının hazırlanması, istismara verilməsi və istifadəsi proqramı uğursuzluqla nəticələnib. Onun fikrincə, təyyarə məhdud hərbi imkanlara malikdir və keyfiyyətlərinə görə deyil, hərbi sənaye kompleksi üçün faydalarına görə istehsal olunmaqda davam edir.

Amerikalı milyarder İlon Mask daha əvvəl F-35 proqramını “qiymət və keyfiyyət nisbəti baxımından tarixin ən pis hərbi qərarı” adlandırmışdı.

Yeganə