FOM: Rusların 80%-i Putinə güvənir

Rusiya prezidenti Vladimir Putinə ölkə sakinlərinin 80%-i etibar edir.

Citypost.az xəbər verir ki, bu, İctimai Rəy Fondunun araşdırmasından məlum olub.

Rusiya Federasiyasının sakinləri arasında sorğu fevralın 14-dən 16-dək aparılıb. Tədqiqatda 1,5 min vətəndaş iştirak edib.

“Rusiyalıların 80%-i Vladimir Putinə güvəndiyini bildirib, həmçinin əhalinin əksəriyyəti – 80%-i onun dövlət başçısı kimi öz işini yaxşı yerinə yetirdiyinə əmindir”.

Rusiya Federasiyasının Prezidenti ilə yanaşı, respondentlər bir sıra digər siyasətçiləri və təşkilatları da qiymətləndiriblər. Belə ki, respondentlərin 53%-i hökumətin fəaliyyətini müsbət qiymətləndirib, 56%-i isə Nazirlər Kabinetinin rəhbəri Mixail Mişustinin fəaliyyətini müsbət qiymətləndirib.

“Vahid Rusiya” partiyasına etimad səviyyəsi isə öz növbəsində 44%, LDPR-yə 9%, Rusiya Federasiyası Kommunist Partiyasına 8% olub. “Ədalətli Rusiya – Həqiqət üçün” və “Yeni İnsanlar”a rusların 3%-i etibar edir. Qeyd olunur ki, fevralın 9-na olan məlumata görə, Vladimir Putinə etimad səviyyəsi ilə bağlı heç bir dəyişiklik baş verməyib. Üstəlik, bundan əvvəl, fevralın 7-də vətəndaşların 78%-i prezidentə etimad göstərib.

Yeganə