Bizə yazın

Baku

-°C

USD

-

Maliyyə naziri: "Dövlət büdcəsinin 11-13 %-i Qarabağın bərpasına xərclənir"

Cəmiyyət 04 Noyabr 2026, 17:39

2395

Qarabağ və Şərqi Zəngəzurun bərpası, eləcə də müdafiə və təhlükəsizlik infrastrukturunun qurulması Azərbaycanın dövlət büdcəsində əsaslı xərclərin yüksək paya malik olmasının başlıca səbəblərindəndir.

Citypost.az xəbər verir ki, bunu maliyyə naziri Sahil Babayev Milli Məclisin İqtisadi siyasət, sənaye və sahibkarlıq komitəsinin 2027-ci ilin büdcə zərfinin müzakirəsinə həsr olunmuş bugünkü iclasında bildirib.

Onun sözlərinə görə, hazırda Azərbaycanın dövlət büdcəsində əsaslı xərclərin payı 32 %-dir: "Bu göstərici nəinki region ölkələri, hətta İqtisadi Əməkdaşlıq və İnkişaf Təşkilatına (OECD) üzv ölkələrin orta göstəricisi və digər beynəlxalq müqayisə meyarları ilə müqayisədə yüksəkdir. Bu isə Azərbaycan büdcəsinin investisiyayönümlü olduğunu göstərir".

Nazir bildirib ki, əsaslı xərclərin yüksək olmasının obyektiv səbəbləri var. Belə ki, Azərbaycan bir çox ölkənin qarşılaşmadığı çağırışlarla üzləşir və onların həlli üçün əhəmiyyətli vəsait ayırır.

"Qarabağı və Şərqi Zəngəzuru bərpa etməliyik. Bu istiqamətə çox ciddi vəsait ayrılır. İllər üzrə bu məbləğ 4-5 milyard manat ətrafında dəyişir. Yəni dövlət büdcəsinin 11-13 %-i yalnız Qarabağın bərpasına yönəldilir.

Bununla paralel olaraq, müdafiə xərclərimiz də artıb. Çünki biz 30 il ərzində nəzarətimizdə olmayan ərazilərdə sərhəd və hərbi infrastruktur yaradırıq, müvafiq müdafiə və təhlükəsizlik tədbirləri həyata keçiririk. Bu da kifayət qədər böyük vəsait tələb edir. Rəqəmlərə nəzər salsanız, görərsiniz ki, əsaslı xərclərin təxminən 4 milyard manatlıq hissəsi də bununla əlaqədardır", - deyə o qeyd edib.

S. Babayev vurğulayıb ki, əsaslı xərclərin yüksək olmasına baxmayaraq, dövlət birbaşa investisiyayönümlü layihələrə də ciddi vəsait ayırır və bu investisiyalar vasitəsilə ölkə iqtisadiyyatının inkişafına töhfə verməyə çalışır.

Nazir ayrı-ayrı layihələrin səmərəliliyini ayrıca qiymətləndirməyin mümkün olmadığını, lakin ümumi mənzərənin müsbət olduğunu bildirib. Onun sözlərinə görə, dövlət investisiya proqramı və Böyük Qayıdış çərçivəsində həyata keçirilən layihələrin nəticələri ölkənin bütün bölgələrində görünür və Azərbaycanın bugünkü inkişafının, iqtisadi qüdrətinin əsasını təşkil edir.

O, Qarabağda infrastruktur layihələrinin uzunmüddətli iqtisadi fəaliyyət üçün zəmin yaratdığını da diqqətə çatdırıb.

Nazirin sözlərinə görə, ayrı-ayrı layihələrin icrasında müəyyən nöqsanlar, gecikmələr və digər problemlər ola bilər: "Belə hallar müxtəlif dövrlərdə yoxlayıcı orqanlar tərəfindən də aşkarlanır. Bununla belə, ümumilikdə dövlət investisiya proqramları və əsaslı xərclər uzun illərdir uğurla icra olunur və bu sahədə əhəmiyyətli nəticələr əldə edilib.

S. Babayev qeyd edib ki, investisiyaların iqtisadiyyata təsiri həm layihələrin icrası, həm də sonrakı istismar mərhələsində özünü göstərir: "Tikinti dövründə iqtisadi aktivliyə birbaşa təsir daha güclü olsa da, layihələr başa çatdıqdan sonra yaradılan infrastruktur uzunmüddətli iqtisadi fayda verir.

Məsələn, Qarabağda magistral yolun tikintisi həyata keçirildiyi müddətdə iqtisadiyyata ciddi dəstək göstərir. Yolun tikintisi başa çatdıqdan sonra isə onun iqtisadi əhəmiyyəti biznes fəaliyyətinin genişlənməsi, daimi yaşayışın formalaşması, eləcə də digər iqtisadi imkanların yaranması ilə üzə çıxır. Eyni yanaşma su, elektrik və qaz təchizatı infrastrukturu üçün də keçərlidir.

Nazir əlavə edib ki, bu layihələrin müxtəlif dövrlərdə iqtisadi təsirini qiymətləndirmək üçün müvafiq metodoloji baza mövcuddur və qiymətləndirmələr mütəmadi aparılır. Onun fikrincə, əldə olunan göstəricilər beynəlxalq müqayisə meyarlarından geri qalmır.

Problemlərinizi bizə bildirin

077 323 55 66

DİN bu gün Bakıda baş vermiş ağır qəzanın videogörüntüsünü yayıb

Daxili İşlər Nazirliyi Nəqliyyatı İntellektual İdarəetmə Mərkəzi Bakıda yeraltı piyada keçidinin bir neçə metr yaxınlığında baş vermiş ağır yol-nəqliyyat hadisəsinin videogörüntülərini yayıb.Citypost.az xəbər verir ki, piyadanın yanlış seçim etməsi faciə ilə nəticələnib.Belə ki, bu gün axşam saatlarında paytaxtın Nizami rayonu, Babək prospekti ilə Kamran Əfkari küçəsinin kəsişməsində piyadanın vurulması ilə nəticələnən yol-nəqliyyat hadisəsi baş verib.Hərəkətdə olan avtomobillərdən biri yaxınlıqda yeraltı piyada keçidinin olmasına baxmayaraq, yolun hərəkət hissəsindən qaçaraq keçməyə çalışan piyadanı vurub. Piyada aldığı xəsarətlərdən elə hadisə yerində dünyasını dəyişib.Faktla bağlı araşdırma aparılır....

13 Noyabr 2026, 21:57

Prokurorluğa qulluğa qəbulla bağlı imtahanın tarixi dəyişdirilib

Prokurorluq orqanlarına qulluğa qəbulla bağlı müsabiqənin yazılı imtahan mərhələsinin keçirilmə tarixi dəyişdirilib.Citypost.az xəbər verir ki, bu barədə Baş Prokurorluğun Mətbuat xidmətinin məlumatında bildirilib.Məlumata görə, Baş Prokurorluq tərəfindən elan edilmiş müsabiqənin test imtahanı mərhələsində müvəffəqiyyət qazanmış namizədlər üçün 19 noyabr 2026-cı il tarixinə nəzərdə tutulmuş yazılı imtahan 23 noyabr 2026-cı il tarixə keçirilib.İmtahan həmin gün saat 10:00-dan başlayaraq 4 saat müddətində Azərbaycan Texniki Universitetinin “İdman Sarayı”nda (Bakı şəhəri, Yasamal rayonu, Ayna Sultanova küçəsi 5) keçiriləcək.Namizədlər buraxılış rejiminin təmin edilməsi məqsədilə saat 09:00-dək imtahan binasının qarşısında olmalı, “Yazılı imtahana buraxılış vərəqəsi”ni və şəxsiyyət vəsiqəsinin əslini təqdim etməlidirlər....

13 Noyabr 2026, 20:49

Baş nazir “Tədqiqat universiteti” statusu ilə bağlı tələbləri təsdiqləyib

“Ali təhsil müəssisələrinə “Tədqiqat universiteti” statusu verilməsi üçün Tələblər” yeni redaksiyada təsdiq edilib.Citypost.az xəbər verir ki, Baş nazir Əli Əsədov bununla bağlı qərar imzalayıb.Qərara əsasən, Ali təhsil müəssisələrinə “Tədqiqat universiteti” statusu bu Tələblər nəzərə alınmaqla Azərbaycan Respublikası Elm və Təhsil Nazirliyinin təklifləri əsasında Azərbaycan Respublikasının Nazirlər Kabineti tərəfindən 5 (beş) il müddətinə verilir.“Tədqiqat universiteti” statusu elmi tədqiqat fəaliyyəti, elmi kadr hazırlığı, akademik heyət və elmi infrastruktur üzrə bu Tələblərlə müəyyən edilmiş tələbləri təmin edən və ən azı 5 (beş) il fəaliyyət göstərən ali təhsil müəssisəsinə verilir.“Tədqiqat universiteti” statusu verilməsi üçün ali təhsil müəssisəsi elmi tədqiqat fəaliyyəti istiqamətində aşağıdakı tələbləri təmin...

13 Noyabr 2026, 20:00

Nərə kürüsü, siqaret və PVC parçaların idxalına tətbiq olunan gömrük rüsumlarının dərəcələri dəyişdirilir

Bir sıra məhsulların idxalına tətbiq olunan gömrük rüsumlarının dərəcələri dəyişdirilir.APA xəbər verir ki, bununla bağlı Nazirlər Kabinetinin müvafiq qərarına dəyişiklik edilib.Dəyişikliyə əsasən, 2030-cu ilin sonunadək idxal olunan nərə balığının kürüsü üçün idxal gömrük rüsumunun dərəcəsinin 15%, lakin 1 kq üçün 200 ABŞ dollarından az olmamaqla (hazırda idxal dəyərinin 15%-i), siqar, siqaret və siqarillalar üçün 15%, lakin 1000 ədədinə 3,0 ABŞ dollarından az olmamaqla (hazırda 1000 ədədi 0,5 ABŞ dolları), polivinilxloridlə (PVC) hopdurulmuş və ya üzlənmiş tekstil parçalar üçün 15% (hazırda 0 və ya 5%) təyin olunur....

13 Noyabr 2026, 19:58

Prezident İlham Əliyevin İrlandiyaya işgüzar səfəri başa çatıb

Azərbaycan Respublikasının Prezidenti İlham Əliyevin İrlandiyaya işgüzar səfəri noyabrın 13-də başa çatıb.Citypost.az xəbər verir ki, Dublin Beynəlxalq Aeroportunda Prezident İlham Əliyevi və birinci xanım Mehriban Əliyevanı rəsmi şəxslər yola saldılar.

13 Noyabr 2026, 19:16

Ermənistanda saxlanılan Azərbaycan hərbçisi Nəsimi Musayevin işi üzrə ibtidai istintaq başa çatıb

Ermənistanda saxlanılan Azərbaycan Ordusunun hərbçisi Nəsimi Musayevin işi üzrə ibtidai istintaq başa çatıb.Citypost.az xəbər verir ki,Bu barədə "NEWS.am" Ermənistan İstintaq Komitəsinə istinadən məlumat yayıb.Bildirilib ki, iş ittiham aktı ilə təsdiq olunması üçün nəzarətçi prokurora göndərilib.Qeyd edək ki, Ermənistan İstintaq Komitəsinin məlumatına görə, Azərbaycan hərbçisi Nəsimi Musayev 2026-cı il oktyabrın 1-də saat 14:00 radələrində Ermənistanın Sünik vilayətinin Şaki kəndindəki yaşayış evinə daxil olub və aşkar edildikdən sonra odlu silahdan atəş açıb. Hadisə nəticəsində 1987-ci il təvəllüdlü Ani Avetisyan yaralanıb.Ermənistan İstintaq Komitəsinin sədri Artur Poqosyan noyabrın 3-də açıqlamasında Nəsimi Musayevin öldürmək niyyətinin olmadığını, ifadəsində duman səbəbindən yolu azdığını bildirdiyini qeyd edib. (Apa)...

13 Noyabr 2026, 18:33