CNN: ABŞ Ukraynaya yüz minlərlə mərmi və minlərlə raket tədarük edəcək

ABŞ yanvarın ortalarına qədər Ukraynaya yüz minlərlə mərmi, minlərlə raket və yüzlərlə zirehli texnika çatdırmaq niyyətindədir.

Citypost.az bildirir ki, bu barədə CNN xəbər verir.

Hazırkı administrasiya Baydenin prezidentliyi başa çatana qədər Kiyevə böyük miqdarda silah çatdırmaq üçün “tarixi cəhd” edir. Təchizatları prezidentin milli təhlükəsizlik müşaviri Ceyk Sallivan təşkil edir. Noyabrın ortalarında o, Pentaqona çatdırılmaları sürətləndirməyi tapşırmışdı.

Cümə günü “Time” nəşrinə verdiyi müsahibədə Donald Tramp deyib ki, o, Bayden administrasiyasının Ukraynanın ABŞ-ın verdiyi silahlardan istifadə edərək Rusiyaya zərbə endirməsinə icazə vermək qərarı ilə qətiyyən razı deyil. "Biz sadəcə olaraq bu müharibəni gücləndiririk və onu daha da pisləşdiririk" dedi Tramp. "Buna yol verilməməli idi. İndi onlar təkcə raketlər deyil, digər silah növləri də hazırlayırlar. Və mən hesab edirəm ki, bu, çox böyük səhvdir, çox böyük səhvdir".

Yeganə