N.Sabirqızı: Bəziləri Türkiyəni Rusiya və İranla səhv salıb

Jurnalist Nigar Sabirqızı Azərbaycan-Türkiyə münasibətlərində yaranmış gərginlik və bu proses ətrafında səsləndirilən fikirlərlə bağlı sərt mövqeyini açıqlayıb.

Citypost.az xəbər verir ki, jurnalist sosial şəbəkə hesabında etdiyi paylaşımda Azərbaycan cəmiyyətində Türkiyəyə münasibətin Rusiya və İrana münasibətdən fərqli olduğunu vurğulayıb.

Nigar Sabirqızı bildirib ki, Azərbaycan indiyədək Rusiya və İranla ciddi gərginliklər yaşasa da, bu hadisələr cəmiyyətdə Türkiyə ilə münasibətlərdə yaranan vəziyyət qədər narahatlıq doğurmayıb. Bunun əsas səbəbi isə Türkiyənin Azərbaycan xalqı üçün xüsusi yerə malik olmasıdır.Jurnalistin sözlərinə görə, Moskva və Tehranla münasibətlər kəskinləşəndə Bakıdan səsləndirilən sərt bəyanatlar cəmiyyətdə birmənalı qarşılanırdı. Türkiyə ilə bağlı yaranan vəziyyət isə hər iki ölkədə insanları narahat edirdi.

O qeyd edib ki, bəzi şəxslər Türkiyəni Rusiya və İranla səhv salaraq münasibətləri eyni müstəvidə qiymətləndiriblər. Nigar Sabirqızı hesab edir ki, Prezident İlham Əliyevin son açıqlaması iki ölkə arasında nifaq yaratmağa çalışanlara ən yaxşı cavab olub.

Jurnalist Türkiyədə Azərbaycana qarşı mənfi mövqedə olan bəzi şəxslərin bunu açıq şəkildə ifadə etdiyini, Azərbaycanda isə dünənə qədər Türkiyəni ittiham edən bəzi şəxslərin bu gün qardaşlıqdan danışmağa başladığını bildirib.

Həmçinin oxuyun

Noyabrın pensiyaları BU TARİXDƏ ÖDƏNİLƏCƏK

SON DƏQİQƏ! Qəfil vəfat etdi

Şəmsi Vəfadar: "Ey Sevgili Bayrağım!"

Əli Nağıyevin doğum günüdür

Nigar Sabirqızı fikirlərini bölüşərkən “Mauqli” cizgi filmindəki çaqqalın məşhur “Biz isə şimala gedəcəyik!” ifadəsini də xatırladıb. O, bəzi jurnalist və ekspertlərin mövqeyini bu obrazla müqayisə edərək insanın özünü başqalarının maraqları naminə xərcləməməli olduğunu vurğulayıb.

Jurnalist paylaşımını belə yekunlaşdırıb:“İnsan gərək özünü xərclətməsin. Təbii ki, özünə hörmət edən insan”.

Əli