Xalid Kazımlı: “Öz dövlətinin yanında olanlara niyə trol deyirsiniz?”

Əməkdar jurnalist Xalid Kazımlı Azərbaycan-Türkiyə münasibətlərində son dövrlər yaşanan gərginlik və bu proses ətrafında aparılan müzakirələrlə bağlı sərt mövqeyini açıqlayıb.

Citypost.az xəbər verir ki, jurnalist sosial şəbəkə hesabında etdiyi paylaşımda Azərbaycan dövlətinin və xalqının mövqeyini müdafiə edən şəxslərin “trol” adlandırılmasını tənqid edib.

Xalid Kazımlı bildirib ki, Türkiyə Prezidenti Rəcəb Tayyib Ərdoğanın Bakıya səfərindən sonra son 30 gündən artıq müddətdə yaşanan gərginliyin başa çatdığını düşünən bəzi şəxslərin paylaşımlarında hücum edənlə hücuma məruz qalan arasında bərabərlik yaradılır.Əməkdar jurnalistin sözlərinə görə, son bir ay ərzində Azərbaycana qarşı yüzlərlə video paylaşılıb, minlərlə təhqiramiz və ağır ifadələrdən ibarət status dərc edilib. Buna cavab olaraq isə Azərbaycandan yalnız bir qrup jurnalist və ictimai fəal münasibət bildirib.

O, Türkiyədəki bəzi qrupların Azərbaycanın Ankaradakı səfirliyi qarşısında səkkiz anti-Azərbaycan mitinqi keçirdiyini, bununla yanaşı, Azərbaycanın ictimai-siyasi fəallarının oktyabrın 29-da Türkiyə Cümhuriyyətinin yaranmasının ildönümü münasibətilə keçirilən mərasimdə iştirak etdiyini xatırladıb.

Xalid Kazımlı hesab edir ki, bütün bunlara baxmayaraq, hadisələrə münasibətdə hər iki tərəfi eyni dərəcədə günahlandırmaq düzgün yanaşma deyil. Jurnalist Türkiyədə Azərbaycana qarşı təhqirlərə yol verənləri qınayanların az olduğunu, Azərbaycanda isə bu hücumlara cavab verənlərin “trol” adlandırıldığını vurğulayıb.

Həmçinin oxuyun

Noyabrın pensiyaları BU TARİXDƏ ÖDƏNİLƏCƏK

SON DƏQİQƏ! Qəfil vəfat etdi

Şəmsi Vəfadar: "Ey Sevgili Bayrağım!"

Əli Nağıyevin doğum günüdür

Əməkdar jurnalist prinsipial məsələlərdə aydın mövqe sərgiləməyin, öz xalqının və dövlətinin yanında olmağın qəbahət olmadığını bildirib.

Xalid Kazımlı paylaşımının sonunda Azərbaycana qarşı təxribatçı və təhqiramiz fikirlər səsləndirən şəxslərə təmkinlə cavab verənləri dəstəkləyib:“O gərgin günlərdə bizi “sionizm”də, “islam düşməni” olmaqda suçlayan minlərlə gerçək trolun və araqarışdıran təxribatçıların statusunun altına ağıllı, təmkinli cavablar yazan, axırda çarəsiz halda “Allah sizə lənət eləsin” qeydi edən “trol qardaşlar”a eşq olsun”.

Əli