Teleqram ilk dəfə qazanc əldə etməyə başladı

Telegram monetizasiyanın tətbiqindən sonra üç il ərzində ilk dəfə gəlir əldə etməyə başlayıb.

Citypost.az xəbər verir ki, bunu messencerin yaradıcısı Pavel Durov deyib.

Onun sözlərinə görə, 2024-cü ildə Telegram Premium abunəçilərinin sayı üç dəfə artaraq 12 milyonu ötüb. Bundan əlavə, tətbiqin reklam gəlirləri də bir neçə dəfə artıb. Nəticədə, Telegram-ın ümumi gəliri milyard dolları ötdü və bu, şirkətə kripto aktivlərdən əlavə, 500 milyon dollardan çox pul ehtiyatı ilə ili bağlamağa imkan verdi.

“Son dörd il ərzində Telegram təxminən 2 milyard dollar borc buraxıb. Onların əhəmiyyətli bir hissəsi bu payızda Telegram istiqrazlarının sərfəli qiymətləri sayəsində ödənilib.

Bizim innovativ monetizasiya həllərimiz (ulduzlar, hədiyyələr, mini-proqramlar və s.) nümayiş etdirir ki, sosial media platformaları müstəqil qalaraq və istifadəçi hüquqlarına hörmət etməklə maliyyə dayanıqlığına nail ola bilir”, - Durov yazıb.

2023-cü ildə Telegram-ın gəliri 342 milyon dollar, əməliyyat xərcləri 108 milyon dollar və vergilərdən sonra təxminən 173 milyon dollar itki ilə üzləşib.

FT-nin məlumatına görə, şirkət borcun maliyyələşdirilməsi üçün təxminən 2,4 milyard dollar cəlb edib və Durov özü şəxsən ən azı 64 milyon dollar dəyərində Telegram istiqrazlarını alıb. Telegram-ın maliyyə itkiləri, 2023-cü ildə şirkətin balansında saxladığı rəqəmsal aktivlərin dəyərinin artması ilə qismən kompensasiya edildi, onlar təxminən 400 milyon dollar qiymətləndirilir.

Yeganə