Telefonda hərfləri niyə səhv salmırıq? Klaviaturanın gizli sirri

Smartfonlarda mesaj yazarkən bəzən çox kiçik düymələrə toxunmağımıza baxmayaraq, demək olar ki, hər dəfə istədiyimiz hərfi düzgün seçirik. Halbuki telefon ekranındakı klaviatura düymələrinin ölçüsü baş barmağımızla müqayisədə olduqca kiçikdir. Buna baxmayaraq, yazarkən hərfləri nadir hallarda səhv salırıq. Bəs bunun səbəbi nədir? Məlum olur ki, telefon klaviaturasında gördüyümüz düymələrlə cihazın əslində toxunuşu qeydə aldığı sahələr həmişə eyni ölçüdə olmur.

Citypost.az xəbər verir ki, bu prosesin arxasında smartfonların istifadə etdiyi ağıllı texnologiyalardan biri dayanır. Telefon istifadəçinin hansı hərfi yazmaq istədiyini əvvəlcədən təxmin edir və növbəti hərfin yerləşdiyi toxunma sahəsini dinamik şəkildə dəyişir. Yəni ekranda düymələrin ölçüsü dəyişməsə də, onların toxunuşu qəbul edən görünməz sahələri yazılan mətnə uyğun olaraq genişlənə və ya darala bilir.Məsələn, istifadəçi mesaj yazarkən ardıcıl olaraq bir neçə hərf daxil edir. Telefon artıq yazılmış hərflərə əsasən növbəti hansı hərfin gəlməsinin daha ehtimal olunan olduğunu müəyyənləşdirir. Əgər yazılan sözün davamında “E” hərfinin gəlməsi ehtimalı yüksəkdirsə, klaviatura həmin hərfin toxunma sahəsini genişləndirə bilər. Eyni zamanda gəlməsi az ehtimal olunan digər hərflərin toxunma sahəsi daraldılır. Maraqlıdır ki, bu texnologiya hər yeni hərf yazıldıqca yenidən işləyir. Yəni istifadəçi bir hərfi daxil etdikdən sonra telefon növbəti hərfin ehtimalını hesablayır və klaviaturanın toxunma sahələrini buna uyğun tənzimləyir. Bu proses saniyənin çox kiçik bir hissəsində baş verdiyi üçün istifadəçi adətən onun fərqinə varmır.Bu yanaşmanın əhəmiyyəti xüsusilə ilk iPhone modellərinin hazırlanması zamanı ortaya çıxmışdı. Həmin dövrdə mühəndislər kiçik ekran üzərində rahat yazı təcrübəsi yaratmaq problemi ilə üzləşmişdilər. Çünki rahat toxunuş üçün hər bir düymənin müəyyən ölçüdə olması tələb olunurdu, lakin ekranın eni bütün hərfləri kifayət qədər böyük yerləşdirməyə imkan vermirdi.

Beləliklə, istifadəçi barmağını iki hərfin arasına toxundursa belə, telefon onun hansı hərfi yazmaq istədiyini mətnin kontekstinə əsasən müəyyənləşdirə bilir. Ekranda isə heç bir dəyişiklik görünmür: düymələr əvvəlki ölçüsündə qalır, onların görünüşü dəyişmir. Dəyişən yalnız toxunuşu qəbul edən görünməz sahələrdir.

Apple şirkətində klaviatura üzərində çalışan mühəndis Ken Kocienda öz kitabında bu texnologiyanın hazırlanması prosesindən bəhs edib. Onun izah etdiyi yanaşmaya əsasən, ekranda görünən düymələrin ölçüsünü böyütmədən, toxunuşun qeydə alındığı sahələri istifadəçinin yazdığı mətnə uyğun dəyişmək mümkün idi. Bu texnologiya sonradan Apple tərəfindən patentləşdirilmiş yanaşmalar arasında da yer aldı.Telefon klaviaturasının rahatlığını təmin edən başqa bir maraqlı detal da var. Baş barmaq hərfin üzərinə toxunduqda həmin düymə barmağın altında qaldığı üçün istifadəçi nə yazdığını görə bilmir. Buna görə də telefon seçilmiş hərfi barmağın yuxarı hissəsində, onu örtməyən kiçik göstəricidə nümayiş etdirir. Beləliklə, istifadəçi barmağını ekrandan qaldırmadan hansı hərfi seçdiyini görə bilir.

Həmçinin oxuyun

Prezidentin Mətbuat Xidməti MƏLUMAT YAYDI

Azərbaycanda məmurlar arasında əlbəyaxa dava: Başını partlatdılar

Kəmaləddin Heydərovun oğlu NƏ YAZIR?

Azərbaycanda görkəmli şəxs VƏFAT ETDİ

Telefon klaviaturasının rahatlığını təmin edən başqa bir maraqlı detal da var. Baş barmaq hərfin üzərinə toxunduqda həmin düymə barmağın altında qaldığı üçün istifadəçi nə yazdığını görə bilmir. Buna görə də telefon seçilmiş hərfi barmağın yuxarı hissəsində, onu örtməyən kiçik göstəricidə nümayiş etdirir. Beləliklə, istifadəçi barmağını ekrandan qaldırmadan hansı hərfi seçdiyini görə bilir.Bütün bunlar göstərir ki, smartfon klaviaturası sadəcə ekranda yerləşdirilmiş hərf düymələrindən ibarət deyil. Arxa planda işləyən alqoritmlər istifadəçinin yazdığı sözləri təhlil edir, növbəti hərfləri proqnozlaşdırır və toxunma sahələrini davamlı şəkildə uyğunlaşdırır.

Yəni telefonunuzda hərfləri bu qədər dəqiq seçməyiniz təkcə barmaqlarınızın çevikliyi ilə bağlı deyil. Əslində, klaviatura siz yazdıqca dəyişir və barmağınızın toxunduğu nöqtəni düzgün hərfə uyğunlaşdırmağa çalışır. Başqa sözlə, siz klaviaturaya uyğunlaşmırsınız, klaviatura sizin yazı tərzinizə uyğunlaşır.

Yeganə