XII Qlobal Bakı Forumunun açılış mərasimi keçirilib - YENİLƏNİB  

Azərbaycan Prezidenti İlham Əliyevin himayəsi altında və Nizami Gəncəvi Beynəlxalq Mərkəzinin təşkilatçılığı ilə “Dünya düzəninin yenidən düşünülməsi: Çağırışların fürsətə çevrilməsi” mövzusunda XII Qlobal Bakı Forumunun açılış mərasimi keçirilib.

Citypost.az-ın xəbərinə görə, Prezident İlham Əliyev açılış mərasimində iştirak və çıxış edib.

Albaniya Respublikasının Prezidenti Bayram Beqay bildirib ki, çağırışlar yeni dünya düzəni üçün sınaqdır, təhlükəsizliyi sarsıdır: “Bizə münaqişələrin həll olunduğu dünya lazımdır”.

Şimali Makedoniya Respublikasının Prezidenti Qordana Silyanovska-Davkova qeyd edib ki, qütbləşmə dünyada təhlükəsizliyi sarsıdır.

Bosniya və Herseqovinanın Rəyasət Heyətinin Sədri Jelka Tsviyanoviç qeyd edib ki, qarşılıqlı dialoq yolu ilə problemlərimizi həll edə, inkişaf edə bilərik: “Bu Forum problemlərimizi səsləndirmək üçün bir platformadır”.

Ümumdünya Səhiyyə Təşkilatının (ÜST) Baş direktoru Dr. Tedros Adhanom Qebreyesus ÜST –ün xəstəliklərin yayılmasının qarşısının alınmasında ölkələrə dəstək verdiyini nəzərə çatdırıb, ABŞ-ın ÜST-dən çıxmasının mənfi nəticələrə yol açacağını bildirib.

BMT Baş katibinin müavini, BMT-nin Sivilizasiyalar Alyansının ali nümayəndəsi Migel Anxel Moratinos bildirib ki, sülhü bir gündə bərpa etmək mümkün deyil, finişə çatmaq üçün davamlı səy lazımdır.

BMT-nin Cenevrədəki ofisinin baş direktoru Tatyana Valovaya hesab edir ki, dünya düzəni ilə əlaqədar əməkdaşlıq dərinləşməlidir, məhz bu halda çağırışları qarşılaya, problemləri həll edə bilərik.

Beynəlxalq Enerji Agentliyinin icraçı direktoru Fatih Birol deyib ki, son illər baş verənlər fonunda hər kəs bir daha gördü ki, Azərbaycan etibarlı və etimad doğuran bir tərəfdaşdır.

Nizami Gəncəvi Beynəlxalq Mərkəzinin həmsədri, Latviyanın keçmiş Prezidenti Vayra Vike-Freyberqa bu Forumun keçirilməsi təşəbbüsünə və bu təşəbbüsün davam etməsinə görə Azərbaycan Prezidenti İlham Əliyevə təşəkkür edib, Qlobal Bakı Forumuna diqqət artmaqda olduğunu vurğulayıb: “Bu gün məlumatın artması dövründə yaşayırıq. Ancaq bu, həm də məlumatlardan manipulyasiya aləti kimi istifadə etmək cəhdlərini artırır”.

Nizami Gəncəvi Beynəlxalq Mərkəzinin həmsədri İsmail Seragəldin Qlobal Bakı Forumunun hər zaman rasional arqumentlərin irəli sürülməsi ilə yadda qaldığını nəzərə çatdırıb.

Bununla da Forumun açılış mərasimi başa çatıb.

10:04

***

Bu dəqiqələrdə Bakıda, “Gülüstan” sarayında Azərbaycan Respublikasının Prezidenti İlham Əliyevin himayəsi altında və Nizami Gəncəvi Beynəlxalq Mərkəzinin təşkilatçılığı ilə “Dünya düzəninin yenidən düşünülməsi: Çağırışların fürsətə çevrilməsi” mövzusunda XII Qlobal Bakı Forumu keçirilir.

Citypost.az xəbər verir ki, Azərbaycan Respublikasının Prezidenti İlham Əliyev Forumun açılış mərasimində iştirak edir.

Həmçinin oxuyun

İqtisad Universitetində diplom problemi - Nazirlik nəyi araşdırır?

Müğənni qəbiristanlıqda yandırılıb? - Anasından şok ittiham (VİDEO+FOTO)

Moskva ətrafında PUA hücumu zamanı doqquz nəfər yaralanıb, bir nəfər ölüb

Xoşqədəm Hidayətqızı məhkəməyə verilir  —  Efirdə nə baş verib? (VİDEO)