Sabiq deputata AĞIR cəza : 12 İL HƏBS verildi

Makaoda keçmiş deputat 12 il 6 ay müddətinə həbs cəzasına məhkum edilib

Citypost.az AFP agentliyinə istinadən xəbər verir ki, Çinin xüsusi inzibati bölgəsi olan Makaoda keçmiş deputat və demokratiya fəalı Au Kam San təxribat və digər cinayətlərdə təqsirli bilinərək 12 il 6 ay müddətinə azadlıqdan məhrum edilib.

69 yaşlı Au Kam San 2023-cü ildə Makaoda milli təhlükəsizlik qanunları əsasında məhkum edilən ilk şəxs olub. O, 1999-cu ildə Portuqaliyanın idarəçiliyindən Çinə qaytarılan Makaoda uzun illər siyasi fəaliyyət göstərib. Keçmiş deputat 1989-cu ildə Pekində Tiananmen meydanında baş verən hadisələrin qurbanlarını anmaq üçün hər il keçirilən tədbirlərin təşkilində də iştirak edib.Məhkəmənin açıqlamasına görə, 2025-ci ilin iyulunda saxlanılan Au Kam San dövlətin siyasi hakimiyyətinə qarşı təxribatda və bir sıra digər cinayətlərdə təqsirli bilinib. Sentyabr ayında üç gün davam edən qapalı məhkəmə prosesində onun xarici düşmən təşkilatlarla əməkdaşlıq etdiyi, dövlət hakimiyyətinə qarşı yönəlmiş siyasi məzmunlu materialların hazırlanmasına və ictimaiyyətə yayılmasına kömək göstərdiyi bildirilib.Məhkəmə həmçinin keçmiş deputatın Çin Xalq Respublikasının Konstitusiyasında təsbit olunmuş dövlət quruluşunu devirmək və zəiflətmək məqsədilə Makao sakinləri arasında Mərkəzi Xalq Hökumətinə qarşı nifrət yaratmağa çalışdığını qeyd edib.

Avropa İttifaqı ötən il Au Kam Sanın həbsini pisləyərək, bu hadisənin Makaoda siyasi plüralizmin zəifləməsi ilə bağlı narahatlıqları artırdığını açıqlamışdı. “Justice Abroad” hüquq müdafiə təşkilatı isə iyul ayında bildirmişdi ki, keçmiş deputatın həbsindən sonra həyat yoldaşı və üç qızına onunla görüşmək və ya telefonla danışmaq imkanı verilməyib. Təşkilatın məlumatına görə, ailəsi həbsdən sonrakı gün onunla bir dəqiqədən az davam edən telefon danışığı apara bilib.Au Kam Sanın qızı Çerri bildirib ki, atası ömrünün 30 ildən çoxunu Makao xalqına xidmət etməyə həsr edib. O, ailənin əsas istəyinin ədalətli məhkəmə prosesi və müvafiq hüquqi prosedurlara riayət olunması olduğunu vurğulayıb. Qızı atasına baş çəkmək və ya heç olmasa onunla əlaqə saxlamaq imkanı yaradılmasını tələb edib.

Həmçinin oxuyun

Bunu edən sürücülər cərimələnəcək - 100 manat və 2 bal

Noyabrın 5-i ilə bağlı rəsmi xəbərdarlıq

Prezidentdən nazirin qayınatası ilə bağlı SƏRƏNCAM

Prezidentin yüksək vəzifə verdiyi şəxs görün KİMİN OĞLUDUR

Qeyd edək ki, ixtisasca müəllim olan Au Kam San 1989-cu ildə Çində baş verən hadisələrdən sonra Makaonun daha açıq və demokratik cəmiyyətə çevrilməsinin vacibliyinə inanaraq siyasətə qoşulub. O, 2024-cü ildə AFP-yə müsahibəsində demokratiya uğrunda mübarizədə ciddi nəticələr əldə edə bilmədiklərini desə də, bu istiqamətdə atılan addımların gələcəkdə dəyişikliklərə zəmin yarada biləcəyinə ümid etdiyini bildirib.

Əli