Ceyhun Bayramov BMT Baş katibinin müavini ilə görüşüb
Siyasət 06 Noyabr 2026, 17:21
268
Bu gün Azərbaycan Respublikasının xarici işlər naziri Ceyhun Bayramov ölkəmizdə səfərdə olan BMT Baş katibinin iqtisadi və sosial məsələlər üzrə müavini Li Junhuanı qəbul edib.
XİN-dən Citypost.az-a verilən xəbərə görə, görüşdə Azərbaycan ilə BMT arasında əməkdaşlığın cari vəziyyəti və inkişaf perspektivləri, Azərbaycanın çoxtərəfli diplomatiyaya verdiyi töhfələr, habelə qlobal və regional gündəlikdə duran məsələlər müzakirə olunub.
Tərəflər Azərbaycanın BMT ilə əməkdaşlıqda fəal rolunu, habelə qlobal çağırışların həllinə töhfə verilməsi istiqamətində addımlarını məmnunluqla qeyd ediblər. Bu çərçivədə, Azərbaycanın Qoşulmama Hərəkatı, COP29, BMT-nin Asiya və Sakit Okean üzrə İqtisadi və Sosial Komissiyası (ESCAP), Asiyada Qarşılıqlı Fəaliyyət və Etimad Tədbirləri üzrə Müşavirə (CICA), Ümumdünya Şəhərsalma Forumu (WUF) və digər beynəlxalq platformalar çərçivəsində sədrlikləri, irəli sürdüyü təşəbbüslər, keçirdiyi yüksək səviyyəli tədbirlər və əldə olunan nəticələr xüsusi vurğulanıb.
Ölkəmizdə 5-6 noyabr tarixlərində BMT İdarəetmə İnnovasiyaları Sammitinin uğurla keçirilməsinin əhəmiyyəti vurğulanaraq, Azərbaycanın innovativ dövlət idarəçiliyi sahəsində təcrübəsinin, xüsusilə ASAN xidmət modelinin beynəlxalq səviyyədə təşviqi və müxtəlif ölkələrdə tətbiqinin genişləndirilməsi istiqamətində görülən işlər qeyd olunub.
Nazir Azərbaycanın BMT-nin Dayanıqlı İnkişaf Məqsədlərinin 2030-cu ilədək həyata keçirilməsi prosesinə verdiyi töhfələr, bu istiqamətdə milli səviyyədə görülən tədbirlər, eləcə də beynəlxalq inkişaf gündəliyinə dəstək məqsədilə həyata keçirilən donorluq və humanitar fəaliyyət barədə məlumat verib.
Həmçinin oxuyun
Azərbaycan ilə Mərkəzi Asiya ölkələri arasında regional əməkdaşlığın genişləndirilməsinin, C6 formatının əhəmiyyəti vurğulanıb. Bu çərçivədə, nəqliyyat və logistika bağlantılarının gücləndirilməsi, Orta Dəhlizin potensialından səmərəli istifadə, ticarət və investisiya əlaqələrinin genişləndirilməsi, enerji təhlükəsizliyi, yaşıl enerji, rəqəmsal transformasiya və regional tranzit imkanlarının inkişafı məsələlərinə toxunulub.
Nazir Ceyhun Bayramov işğaldan azad edilmiş ərazilərdə Azərbaycanın həyata keçirdiyi genişmiqyaslı bərpa və quruculuq işləri, keçmiş məcburi köçkünlərin doğma torpaqlarına qayıdışının təmin edilməsi, müasir infrastrukturun yaradılması və ərazilərin iqtisadi reinteqrasiyası istiqamətində görülən tədbirlər barədə qarşı tərəfi məlumatlandırıb. Bununla yanaşı, Ermənistanın işğalı dövründən qalmış mina və partlamamış hərbi sursat təhlükəsinin bərpa-quruculuq prosesinə, insanların təhlükəsizliyinə və dayanıqlı inkişafa yaratdığı ciddi maneələr diqqətə çatdırılıb.
Tərəflər, həmçinin mövcud qlobal və regional təhdidlər, beynəlxalq sülh və təhlükəsizliyə təsir edən çağırışlar, iqtisadi və sosial inkişafın təşviqi, eləcə də BMT çərçivəsində qarşılıqlı maraq doğuran digər məsələlər barədə fikir mübadiləsi aparıblar.
Ən son xəbərləri bizim Facebook kanalımızda izləyin
Ən son xəbərləri bizim Instagram kanalımızda izləyin
Elçin Əmirbəyov Litva XİN rəhbəri ilə görüşdü
Litva xarici işlər naziri Kestutis Budris Vilnüsdə Azərbaycan Prezidentinin xüsusi tapşırıqlar üzrə nümayəndəsi Elçin Əmirbəyovla görüşüb.Citypost.az xəbər verir ki, bu barədə Kestutis Budris sosial media hesabında paylaşım edib."Litva ilə Azərbaycan enerji, ticarət, xalqlararası əlaqələr, eləcə də Cənubi Qafqazda sülh və rifahın təmin edilməsi daxil olmaqla, qarşılıqlı maraq doğuran sahələrdə ardıcıl irəliləyiş əldə edir",- o bildirib.
06 Noyabr 2026, 16:50
Ceyhun Məmmədov: Zəfər xalq-iqtidar birliyinin nəticəsidir
2020-ci ilin 27 sentyabrında başlayan və 44 gün davam edən Vətən müharibəsində işğal altında olan torpaqlarımız qəhrəman şəhidlərimizin, əsgər və zabitlərimizin, qazilərimizin qanı və canı bahasına işğaldan azad olundu. Ali Baş Komandanımızın rəhbərliyi ilə Azərbaycan Ordusu 44 günlük döyüşlərdə düşməni diz çökdürərək, torpaqlarımızı işğalçılardan təmizləyərək, ərazi bütövlüyümüzü bərpa etdi. Tarixi ədalət bərpa olundu. Ali Baş Komandanımız Ermənistana və onun himayədarlarına sübut etdi ki, Qarabağ Azərbaycandır!8 Noyabr — Ali Baş Komandanımızın və rəşadətli ordumuzun Şuşanı işğaldan azad etdiyi gündür. Azərbaycan Respublikasının Prezidenti Cənab İlham Əliyevin sərəncamına əsasən hər il noyabrın 8-i Zəfər Günü kimi qeyd olunur.Bu sözləri Milli Məclisin deputatı Ceyhun...
06 Noyabr 2026, 15:14
Fələstin səfirliyi Azərbaycanın dəstəyinə görə minnətdarlığını bildirib
2026-cı il ərzində Fələstinin Azərbaycandakı iştirakı daha geniş miqyas alıb.Bu barədə Citypost.az-a Fələstin Dövlətinin Azərbaycandakı səfirliyindən daxil olan bəyanatda deyilir.Bəyanatda bildirilib ki, bu fəallıq Fələstin Dövləti ilə Azərbaycan Respublikası arasında mövcud dostluğun təməlində yeni əməkdaşlıq imkanları yaratmağa və münasibətləri daha da inkişaf etdirməyə yönəlmiş ortaq iradəni əks etdirir.Xatırladılıb ki, 2026-cı il avqustun 3-də Prezident İlham Əliyev həmin ilin iyulun 10-da iki ölkənin Xarici İşlər nazirlikləri arasında imzalanmış, Fələstin Dövlətinin Azərbaycan Respublikasındakı Səfirliyinə maliyyə yardımının göstərilməsinə dair Protokolun təsdiq edilməsi haqqında fərman imzalayıb: “Bu addım səfirliyin fəaliyyətinin davamlılığına, ikitərəfli əlaqələrin və birgə təşəbbüslərin əlaqələndirilməsini davam etdirmək imkanlarına dəstək kimi qiymətləndirilir”.Qeyd olunub...
06 Noyabr 2026, 11:39
Politoloq: Müsəlman kimliyi ABŞ siyasətçisinin Yaxın Şərq kursunu müəyyən etmir
ABŞ-ın Yaxın Şərqdə və ona bitişik regionlarda mövqelərinin zəiflədiyi bütün dövrlərdə Vaşinqtonun daxili siyasi proseslərində bu regionlarla bağlı olan siyasətçilər meydana buraxılır.Nyu-Yorkun ilk müsəlman meri Zöhran Mamdani və dünən Miçiqan ştatından ABŞ Senatına seçilən ilk müsəlman senator Abdul El-Sayed faktorunu da belə qəbul etmək lazımdır.ABŞ-da siyasətçinin kursunu onun dini və etnik mənsubiyyəti deyil, təmsil olunduğu siyasi qrupun kursu müəyyən edir.Məsələn, müsəlman keniyalının oğlu olan Barak Obamanın prezidentliyi dövründə baş verənləri xatırlamaq kifayətdir.Onun müsəlman kökləri ilə bağlı formalaşdırılan gözləntilərə baxmayaraq, Obama administrasiyası ABŞ-ın ən sərt Yaxın Şərq siyasəti yürüdən administrasiyası oldu.Liviyaya müdaxilə, regionda hər ikinci ölkədə hərbi əməliyyatlar və onların ağır...
06 Noyabr 2026, 00:57
Vüsal Məmmədov: “Narsis-liderlər bütün dünyanı fəlakətə aparırlar”
Jurnalist Vüsal Məmmədov ABŞ-də keçirilən seçkilərin nəticələrini və Donald Trampın məğlubiyyətə münasibətini şərh edərək respublikaçıların ənənəvi dəstək qazandığı bir sıra ştatlarda demokratların qələbəsini diqqətə çatdırıb.Citypost.az xəbər verir ki, jurnalist sosial şəbəkə hesabında paylaşım edərək Kanzas, Texas, Ohayo, Şimali və Cənubi Karolina kimi ştatlarda seçki nəticələrinin dəyişməsini siyasi baxımdan ciddi siqnal kimi qiymətləndirib .Vüsal Məmmədov qeyd edib ki, Kanzasda 1932-ci, Texasda isə 1988-ci ildən bəri respublikaçılar ənənəvi olaraq qələbə qazansalar da, bu dəfə həmin ştatların demokratlara səs verdiyi bildirilir. Onun fikrincə, xüsusilə Texasda nəticələrin dəyişməsi diqqətəlayiqdir. Jurnalist vurğulayıb ki, respublikaçı namizədin seçkiqabağı kampaniyasına təxminən 500 milyon dollar xərclənməsinə baxmayaraq, bu vəsait...
06 Noyabr 2026, 00:30
Azərbaycan səfiri Binəli Yıldırımı ziyarət etdi
Azərbaycan Respublikasının Türkiyə Cümhuriyyətindəki fövqəladə və səlahiyyətli səfiri Rəşad Asıanov Türk Dövlətləri Təşkilatının (TDT) Ağsaqqallar Şurasının sədri Binali Yıldırımı ziyarət edib.Citypost.az xəbər verir ki, bu barədə Azərbaycan Respublikasının Türkiyə Cümhuriyyətindəki səfirliyindən bildirilib.Görüş zamanı TDT çərçivəsində həyata keçirilən əməkdaşlıq, eləcə də Türk dünyasında birlik və həmrəyliyin daha da gücləndirilməsi istiqamətində görüləcək işlər müzakirə olunub.
05 Noyabr 2026, 23:33
