Si Cinpin Avropa Birliyinin dünyadakı rolunu dəyərləndirib

Çin Avropaya çoxqütblü dünyanın mühüm qütbü kimi baxır və Avropaya inteqrasiyanı və Avropa İttifaqının (Aİ) strateji müstəqilliyini dəstəkləyir.

Citypost.az xəbər verir ki, Çin Xarici İşlər Nazirliyinin rəsmi saytında dərc olunan nəşrin məlumatına görə, bunu Çin sədri Si Cinpin Avropa Şurasının rəhbəri Antonio Kosta ilə telefon danışığında bildirib.

“Çin hesab edir ki, Avropa çoxqütblü dünyada mühüm qütbdür və Avropaya inteqrasiyanı və Aİ-nin strateji müstəqilliyini dəstəkləyir. Si Cinpin vurğulayıb ki, Pekin və Brüssel arasında fundamental maraqlar toqquşması və ya geosiyasi ziddiyyətlər yoxdur. Bundan əlavə, tərəflər birgə uğur üçün çalışan tərəfdaşlardır”, - XİN-in nəşrində deyilir.

Si Cinpin əlavə edib ki, Çin Avropa İttifaqına güvənir və ölkənin icma ilə iqtisadi və ticarət əməkdaşlığı “bir-birini tamamlayan üstünlüklərə malikdir, qarşılıqlı faydalı və qazan-qazandır”.

Keçən ilin noyabrında Çin prezidenti İtaliya prezidenti Sercio Mattarella ilə görüşdə Çinin Aİ ilə əlaqələri gücləndirməyə hazır olduğunu bildirib və İtaliyanı bu təşəbbüsə töhfə verməyə çağırıb. O vurğulayıb ki, hər iki ölkə Pekin və Brüssel arasında “inkişaf etmiş və sabit” əlaqələri təmin etmək üçün aralarındakı hər hansı fikir ayrılığını aradan qaldırmaq üçün lazımi addımları atmalıdır.

Yeganə