Politico: Trampın Aİ rəsmilərinə məhəl qoymaması Brüssel üçün “soyuq duş” oldu

ABŞ prezidenti Donald Trampın Avropa İttifaqının rəhbərliyinə məhəl qoymaması və birbaşa Avropa ölkələrinin başçıları ilə danışıqlar aparması Brüssel üçün əsl problemə çevrilib.

Citypost.az xəbər verir ki, bu barədə “Politico” qəzeti yazır.

Nəşr bildirir ki, AB-nin heç bir yüksək vəzifəli məmuru yanvarın 20-də Trampın andiçmə mərasiminə dəvət almayıb. Üstəlik, Avropa diplomatiyasının rəhbəri Kay Kallasın yanvarın 27-də Aİ xarici işlər nazirlərinin görüşünə ABŞ-ın yeni dövlət katibi Mark Rubioya ünvanladığı dəvət Amerika tərəfdən cavabsız qalıb.

Bu, indi çaşqınlıq içində olan Avropa rəsmiləri üçün soyuq duş idi. Jurnalistlər Trampın komandasının Brüssellə qarşılıqlı əlaqədə maraqlı olmadığını bildirir.

Öz növbəsində, El Pais nəşri diplomatik mənbələrə istinadən yazır ki, Brüssel Vaşinqtonun Ukraynadakı münaqişənin həlli, Aİ və Kiyevi bu prosesdən kənarlaşdırmaqla bağlı Moskva ilə birbaşa razılaşa biləcəyindən ehtiyat edir.

Bundan əvvəl İtaliyanın ANSA agentliyi Trampın Avropadan təxminən 20 min Amerika əsgərini çıxarmaq niyyətində olduğunu bildirmişdi. Bu, bütün Avropadakı ABŞ qoşunlarının beşdə birini təşkil edir.

Yeganə