Zelenski Putinlə danışıqların şərtlərini açıqlayıb

Ukrayna prezidenti Volodimir Zelenski, Ukrayna xalqının “zəruri hesab etməsi” şərti ilə Rusiya prezidenti Vladimir Putinlə danışıqlara hazırdır.

Citypost.az xəbər verir ki, o, bu barədə britaniyalı jurnalist Pirs Morqanla müsahibəsində bildirib, onun səsyazması YouTube-da yerləşdirilib.

“Əgər insanlar fikirləşsələr ki, biz diplomatik tədbirlərə keçməliyik və mən hesab edirəm ki, biz diplomatiyaya keçməyə hazırıq, o zaman biz Putinlə danışacağıq”, - deyə siyasətçi vurğulayıb.

Zelenski həmçinin ABŞ və Avropa İttifaqının iştirakını münaqişənin həlli üçün Putinlə danışıqların şərti adlandırıb. Onun sözlərinə görə, bu, Kiyevin müzakirəyə hazırlığına da təsir edəcək. Siyasətçi həmçinin ABŞ prezidenti Donald Trampı danışıqlara başlamaq üçün Rusiyaya təzyiq göstərməyə çağırıb.

Bundan əvvəl Zelenski Ukraynanın Rusiyanın yeni bölgələrini güc yolu ilə qaytarmaq niyyətində olduğunu açıqlamışdı. Onun sözlərinə görə, Kiyev kifayət qədər beynəlxalq dəstəyin olmaması və Rusiyaya təzyiq olmaması səbəbindən buna nail ola bilmir.

Yeganə