"Türkiyə Putin və Trampın Ukrayna ilə bağlı siqnallarına müsbət yanaşır"-Ərdoğan

Türkiyə prezidenti Rəcəb Tayyib Ərdoğan Ukrayna nizamlanması perspektivləri ilə bağlı ABŞ, Rusiya və Ukraynadan gələn siqnalları müsbət qiymətləndirdiyini və sülhə ümidini itirmədiyini bildirib.

Citypost.az bu barədə Trthaber.com-a istinadən xəbər verir.

“Əlbəttə, biz sülhə ümidimizi itirməmişik və onu itirmək də istəmirik. Bu yaxınlarda biz Vladimir Zelenskidən eşitdik ki, danışıqlar üçün uyğun təklif olarsa, görüşə hazırdır. Biz ABŞ Prezidenti Donald Trampın və Rusiya Prezidenti Vladimir Putinin bu mövzuda siqnallarını alqışlayırıq.

Türkiyə bu kontekstdə mümkün olan hər şeyi etməyə hazırdır”, - deyə Ərdoğan Asiya turnesi başlamazdan əvvəl jurnalistlərə bildirib və səfər zamanı Malayziya, İndoneziya və Pakistana səfər edəcək.

Türkiyə prezidenti xatırladıb ki, “Türkiyə münaqişədə iştirak edən ölkələrin liderləri ilə qərəzsiz ünsiyyət qura bilən və “sülh diplomatiyası” həyata keçirən ölkə olaraq qalır. “Çalışırıq ki, bir damla göz yaşı, bir damla qan tökülməsin. Qoy onlar Ukraynadakı münaqişə tərəflərinin liderləri sadəcə görüşüb danışıqlar aparsınlar. Ümidimizi itirmirik”, - deyə Ərdoğan əlavə edib.

Yeganə