Hakan Fidan yola salınır? -ŞOK

Türkiyə mediası və sosial şəbəkə seqmentindəki bəzi platformalarda belə iddia irəli sürülür ki, guya Prezident Rəcəb Tayyip Ərdoğanın səfəri ərəfəsində Azərbaycan bu ölkənin xarici işlər naziri Hakan Fidanın vəzifəsindən kənarlaşdırılması tələbini irəli sürür.

Oxu24.com xəbər verir ki, belə bir iddianı niyə, hansı əsasla irəli sürdükləri bəlli deyil, ortada hər-hansı bir əsaslandırma da yoxdur. Sadəcə bir fikir ortaya atılıb və müxtəlif platformalarda tirajlanır.

Amma heç biri nəyə əsasən belə düşündüklərini dilə gətirmirlər. Çünki iddianın heç bir əsası yoxdur. Görünən budur ki, belə iddiaları irəli sürənlər daha öncə olduğu kimi, yenə də Azərbaycan-Türkiyə münasibətlərinin gərginləşməsində maraqlı olanlardır. Digər tərəfdən, belə iddiaların ortaya çıxmasının arxasındakı gerçək səbəbin Bakı-Ankara münasibətlərindən yox, Türkiyənin daxili siyasi proseslərindən qaynaqlandığı görünür.

Hansısa qruplar daxili siyasi proseslərdən irəli gələn məsələlərdə Azərbaycanın adını hallandırmaqla ya diqqəti yayındırmağa, ya da iki ölkə münasibətlərində çatların yaradılmasına çalışırlar.

Daha öncə eyni iddia Türkiyə Prezidentinin müşaviri Oqtay Saralın vəzifəsindən kənarlaşdırılmasında da ortaya atılmış, bunu Azərbaycana bağlamağa çalışmışdılar. Halbuki, Azərbaycanın bununla bağlı heç bir xahişi, yaxud tələbi olmayıb. O.Saral Türkiyəyə çox yaxın olan bir ölkənin daxili işlərinə müdaxilə etməklə öz ölkəsinin strateji maraqlarına uyğun olmayan addım atdı, onun tutduğu postundan uzaqlaşdırılması da Türkiyə hakimiyyəti tərəfindən verilmiş qərardır.

Həmçinin oxuyun

Nazirdən məktəblərlə bağlı MÜHÜM AÇIQLAMA

Bunu edən sürücülər cərimələnəcək - 100 manat və 2 bal

Noyabrın 5-i ilə bağlı rəsmi xəbərdarlıq

Prezidentdən nazirin qayınatası ilə bağlı SƏRƏNCAM

Bunun fonunda Türkiyə mediasında O.Saralın vəzifədən kənarlaşdırılmasında ölkə daxilindəki siyasi proseslərin də səbəb olduğuna dair fikirlər, məlumatlar yayılıb. Bu tipli iddialar Hakan Fidan və digər türkiyəli rəsmilər haqqında da ortaya atılır, daxili siyasi qarşıdurmaların olduğuna dair versiyalar səsləndirilir. Bu, Türkiyənin daxili işləridir və nə Azərbaycan cəmiyyəti, nə də dövləti üçün maraqlı deyil.

Azərbaycan üçün qarşılıqlı şəkildə daxili işlərə qarışmamaq prinsipi prioritetdir. Azərbaycan heç bir ölkənin daxili işlərinə qarışmır, heç bir ölkənin özünün daxili məsələlərinə müdaxiləsinə də imkan vermir. Bu baxımdan, Türkiyə də daxil olmaqla istənilən ölkənin daxili işlərinə müdaxilə etmək, yaxud hansısa kadrlarla bağlı tələblər irəli sürmək Azərbaycanın xarici siyasət prinsiplərinə və Prezident İlham Əliyevin təbiətinə zidd yanaşmadır.

Oqtay Saral, eləcə də Hakan Fidanla bağlı ortaya atılan iddialar Türkiyədə müxtəlif qüvvələr arasındakı siyasi çəkişmələrin təzahürüdür. Türkiyə mediasındakı iddialar belədir ki, müxtəlif qüvvələr hakimiyyət daxilində güc balansı uğrunda mübarizə aparır. Azərbaycan isə bütün bu proseslərdə nə iştirakçıdır, nə də yer almaq niyyətində deyil.

Türkiyə mediasında Azərbaycanın adının niyə hallandırılmasının heç bir izahı yoxdur. Bunu hansı məqsədlə edirlər, hansı qüvvələr burada maraqlıdır? Bütün bunlarla bağlı mülahizələri onların öz ixtiyarına buraxırıq. Sadəcə onu deyə bilərik ki, Türkiyədə yeri gəldi-gəlmədi Azərbaycanı gündəmə çıxarmaq, bütün problemli məsələləri Bakı ilə bağlamaq heç kimə yaraşmayan mövqedir.