"Putin Ukrayna qarşısında qeyri-mümkün tələblər irəli sürür"- "Bloomberg"

“Bloomberg” xəbər verir ki, Vladimir Putin Ukraynada hərbi əməliyyatların dayandırılması ilə bağlı danışıqlarda güzəştə getmək niyyətində deyil.

Citypost.az xəbər verir ki, o, işğal olunmuş ərazilər, Ukraynanın neytral statusu və ya Qərb sülhməramlıları məsələlərində güzəştə getməyə hazır deyil.

Qərbin təhlükəsizlik rəsmiləri agentliyə bildiriblər ki, Putin müharibəni dayandırmaq üçün danışıqlardan əvvəl bilərəkdən "maksimalist" tələblər irəli sürüb və bunun Ukraynalılar və avropalılar üçün qəbuledilməz olduğunu bilir.

Qərb rəsmiləri deyirlər ki, Putin öz sərt xəttindən geri çəkilmək üçün heç bir səbəb görmür. Bu arada Donald Tramp müharibəni dayandırmağın zəruriliyindən danışmağa davam edir və indiyədək onun administrasiyası Kiyevdən yalnız güzəşt tələb edib, hərbi yardım və kəşfiyyat məlumatlarının mübadiləsini dayandırıb.

“Düzünü desəm, Ukrayna ilə məşğul olmaq mənə daha çətin gəlir”, - Tramp bildirib. Vaşinqton yalnız vaxtaşırı Moskvanı əlavə sanksiyalarla, eləcə də Rusiya ilə ABŞ arasında ticarətin demək olar ki, dayanması kontekstində heç bir məna kəsb etməyən tariflərlə hədələyir.

Bu vəziyyətdə Vladimir Zelenskinin ona qoyulan şərtlərlə sövdələşməyə getmək istəməsində ittiham olunacağı və Avropa ölkələrinin dəstəyi ilə döyüşlərin davam edəcəyi təhlükəsi var",-deyə "Bloomberg" yazır.

Putinin mətbuat katibi Dmitri Peskov agentliyin Qərb kəşfiyyat orqanlarının qiymətləndirməsini şərh edərkən, bunun reallığa uyğun olmadığını bildirib. Eyni zamanda o bildirib ki, danışıqlara başlamaq üçün Ukraynanın özü addımlar atmalıdır.

“Rusiya Ukrayna ətrafında sülh, sülh yolu ilə nizamlanma üçün səylərə açıqdır və biz ümumiyyətlə öz məqsədlərimizə dinc və diplomatik yolla nail olmağa üstünlük veririk”, - deyən Peskov və əlavə edib ki, bu gün və ya sabah Ukraynanın danışıqlara hazır olduğu aydınlaşarsa, o zaman bu, başqa bir hekayə olacaq.

Həmçinin oxuyun

Müğənni qəbiristanlıqda yandırılıb? - Anasından şok ittiham (VİDEO+FOTO)

Moskva ətrafında PUA hücumu zamanı doqquz nəfər yaralanıb, bir nəfər ölüb

Xoşqədəm Hidayətqızı məhkəməyə verilir  —  Efirdə nə baş verib? (VİDEO)

Fərid Əhmədov Fikrət Məmmədovun qərarını ləğv etdi