Rubio: "HƏMAS bir daha Qəzzada hökmranlıq etməməlidir"

ABŞ dövlət katibi Marko Rubio Birləşmiş Ərəb Əmirliklərinin (BƏƏ) prezidenti Məhəmməd bin Zayed Əl Nəhyanla telefon danışığında Fələstinin radikal HƏMAS hərəkatının Qəzza zolağında bir daha hökm sürməsinə heç vaxt icazə verilməməlidir.

Citypost.az xəbər verir ki, bu barədə Dövlət Departamentinin bəyanatında deyilir.

"Dövlət katibi və prezident həmçinin Qəzzada atəşkəs razılaşmasını və Həmas tərəfindən bütün girovların, o cümlədən Amerika vətəndaşlarının azad edilməsinin vacibliyini müzakirə ediblər".

"Dövlət katibi BƏƏ-nin Qəzzaya göstərdiyi humanitar yardıma görə prezidentə təşəkkür edib və HƏMAS-ın bir daha heç vaxt Qəzzada hökm sürə bilməyəcəyini və İsraili təhdid edə bilməməsinin təmin edilməsinin vacibliyini vurğulayıb. Onlar həmçinin Livanda hərbi əməliyyatların dayandırılmasını dəstəklədiklərini bildiriblər", - sənəddə deyilir.

Fevralın 10-da Tramp HƏMAS-dan bütün girovları fevralın 15-i günortadan sonra azad etməyi tələb edib. O vurğulayıb ki, Qəzza zolağında saxlanılan insanlar azad olunmasa, o zaman bütün razılaşmalar ləğv olunacaq və “cəhənnəm başlayacaq”.

Prezident ABŞ-ın belə bir vəziyyətdə konkret nə edə biləcəyinə aydınlıq gətirməyib. Fevralın 11-i axşam saatlarında İsrailin baş naziri Benyamin Netanyahu bildirib ki, HƏMAS qeyd olunan vaxt ərzində girovları azad etməsə, ordu bölgədə hərbi əməliyyatları bərpa edəcək.

Yeganə