Çin: "Qəzza fələstinlilərə məxsusdur"

Çin Xarici İşlər Nazirliyi, "Qəzza fələstinlilərə məxsusdur və Fələstin ərazisinin ayrılmaz hissəsidir. "Biz Fələstin xalqının məcburi köçkünlüyünə qarşıyıq",-deyə nazirliyin bəyanatında qeyd olunub.

Citypost.az bu barədə "Reuters"-ə istinadən xəbər verir.

Çin Xarici İşlər Nazirliyinin sözçüsü Quo Ciakun Pekində keçirdiyi mətbuat konfransında Qəzzadakı vəziyyəti və Trampın Fələstin xalqını köçürmə planını dəyərləndirib. Çinin Fələstin xalqının qanuni milli hüquqlarını əldə etməsində dəstəklədiyini vurğulayan sözçü Quo, "Qəzza fələstinlilərə məxsusdur və Fələstin torpaqlarının ayrılmaz hissəsidir. Fələstin xalqının məcburi köçkünlüyünə qarşıyıq" dedi. 

Quo “Fələstinin Fələstinin idarəçiliyi” prinsipinin Qəzzada müharibədən sonra yenidən qurulmasının əsası olması lazım olduğuna inandıqlarını vurğulayaraq, hazırkı şəraitdə beynəlxalq ictimaiyyətin, xüsusilə də böyük dövlətlərin atəşkəs razılaşmasının həyata keçirilməsində konstruktiv rol oynamalı, humanitar yardım və yenidənqurma işlərini təşviq etməli olduğuna işarə edib.

Trampın Qəzzanı ələ keçirmək və fələstinliləri zorla köçürmək planı

Fevralın 4-də Ağ Evdə İsrailin baş naziri Benyamin Netanyahu ilə keçirdiyi birgə mətbuat konfransında Tramp bildirib ki, ABŞ Qəzza zolağına “ələ keçəcək” və “sahibi olacaq”. Qəzzanın artıq tam bir məhv bölgəsi olduğunu qeyd edən Tramp, Qəzzadakı fələstinlilərin qonşu ölkələrdə, xüsusilə Misir və İordaniyada tikiləcək yeni qəsəbələrə getmələrinin daha yaxşı olacağını müdafiə etdi. Tramp həmçinin fələstinlilərin Qəzzanı tərk etməkdən başqa çarələrinin olmadığını iddia edib. ABŞ prezidenti Tramp da bildirib ki, o, “Qəzzanı Yaxın Şərqin Rivierasına çevirmək istəyir”.

Yeganə