Microsoft-un Azure bulud biznesi gözləntiləri üstələyib  

Microsoft-un bulud hesablama xidmətləri üzrə gəlirlərinin sürətlə artması şirkətin maliyyə nəticələrinə müsbət təsir göstərib. Süni intellektə böyük investisiyalar yatıran texnologiya nəhəngi sentyabr ayında başa çatan rübdə analitiklərin gəlir və mənfəət proqnozlarını üstələyib. Nəticələrin açıqlanmasından sonra şirkətin səhmləri 5 faizdən çox bahalaşıb.

Citypost.az xarici KİV-lərə istinadən xəbər verir ki, Microsoft-un ümumi gəliri hesabat dövründə 92,3 milyard dollar, mənfəəti isə 36,6 milyard dollardan çox olub. FactSet-in məlumatına görə, analitiklər şirkətin gəlirinin 90,6 milyard dollar, mənfəətinin isə 35,1 milyard dollar təşkil edəcəyini gözləyirdilər.Şirkətin bulud hesablama platforması Azure-un gəlirləri ötən ilin müvafiq dövrü ilə müqayisədə 48 faiz artaraq 33,2 milyard dollara çatıb. Bu göstərici Microsoft-un bulud bazarında mövqeyini gücləndirsə də, rəqabət getdikcə kəskinləşir. Amazon Web Services (AWS) qlobal bazarda liderliyini qoruyur, Google-un bulud bölməsi isə hesabat dövründə gəlirini iki dəfəyə yaxın artıraraq 30,7 milyard dollara çatdırıb.

Microsoft-un baş direktoru Satya Nadella bildirib ki, şirkət müştərilərinə daha geniş imkanlar, seçim azadlığı, nəzarət və xərclərə qənaət üstünlükləri təqdim etməyə çalışır.Bununla yanaşı, süni intellekt texnologiyalarının inkişafı şirkətin xərclərini də əhəmiyyətli dərəcədə artırır. Microsoft ötən rübdə əmlak və avadanlıqlara çəkilən xərclərini təxminən iki dəfə artıraraq 39 milyard dollara çatdırıb. Şirkətin maliyyə direktoru Emi Hudun sözlərinə görə, ümumi kapital xərcləri 45,2 milyard dollar təşkil edib

Nadella bildirib ki, şirkət ötən rüb ərzində dünya üzrə 24 yeni məlumat mərkəzi yaradıb. Microsoft 2026-cı ilin son rübündə kapital xərclərinin 50 milyard dolları ötəcəyini, illik ümumi xərclərinin isə 170 milyard dollara çata biləcəyini gözləyir.Maliyyə nəticələri şirkətin işçi siyasətində dəyişikliklər fonunda açıqlanıb. Microsoft-un təxminən 60 min əməkdaşına könüllü işdən ayrılma təklif etdiyi bildirilir. Bu, şirkətin cari il ərzində işçilərinə təqdim etdiyi ikinci belə proqramdır. Tənzimləyici sənədlərə əsasən, iyunun sonunda Microsoft-un dünya üzrə 223 min əməkdaşı olub. İlin əvvəlində bu rəqəm 228 min idi.

Həmçinin oxuyun

Nazirlər Kabinetindən müəllimlərlə BAĞLI QƏRAR

SON DƏQİQƏ! Vəzifədən gedir

Məhkəmədən Ramiz Mehdiyevlə bağlı QƏRAR

Maşın sürən hər kəs BU XƏBƏRİ OXUSUN!

Qeyd edək ki, süni intellekt sahəsində rəqabət texnologiya şirkətlərini məlumat mərkəzlərinə və hesablama infrastrukturuna böyük vəsait yatırmağa sövq edir. Bununla belə, yüksək xərclərin uzunmüddətli perspektivdə nə dərəcədə gəlir gətirəcəyi sektor üçün əsas suallardan biri olaraq qalır. Microsoft-un rəqibləri də bu istiqamətdə investisiyalarını artırırlar. Alphabet və Meta süni intellekt layihələrini maliyyələşdirmək üçün böyük həcmdə vəsait cəlb etməyə çalışır, Amazon isə rüblük maliyyə nəticələrini açıqlamağa hazırlaşır.

Turan