Nigarın “oğluma atasız qız almaram” sözündə Ramiz Mehdiyev detalı - İlginc

“Kanal S”-in aparıcısı Nigar Fərhadın efirdə “oğluma atasız qız almaram” deməsi ictimaiyyətdə tənqidlə qarşılanıb və televiziyaların acınacaqlı vəziyyətini növbəti dəfə gündəmə gətirib. Ümumiyyətlə, nə baş verdi ki, telekanallarda yayımlanan verilişlər hazırkı duruma düşdü?

Citypost.az xəbər verir ki, globalinfo.az-a danışan Azərbaycan Jurnalistlər Birliyinin sədri Elçin Şıxlı deyib ki, sovet dövründə təkcə AzTV-1 var idi və ora yalnız səviyyəli şəxslər gələ bilərdilər.

Onun sözlərinə görə, əvvəllər dövlət televiziyasında verilişdə iştirak etmək, aparıcı olmaq çətin idi:

“Çətin olduğu üçün də efirə seçmə insanlar çıxa bilirdi. Zamanla müstəqil kanallar yarandı, müstəqil fikirlər səsləndirildi və fikir müxtəlifliyi əmələ gəldi. Daha sonra dövlət strukturunda sovet dövründən qalma “bolşevikbaşlar” və “rusbaşlar” fikir müxtəlifliklərini görüb, onların siyasətinə mane olacaqlarını anlayaraq, başladılar KİV və televiziyaları ələ keçirməyə. Orada da aşağı səviyyəli şouları, səviyyəsiz insanları təbliğ etdilər. Beləliklə, yavaş-yavaş cəmiyyəti həll olunası məişət və sosial problemlərindən uzaqlaşdırmağa çalışdılar. O zaman tənqid məsələsində KİV və televiziyaların rolu böyük idi. Nəhayət, həmin bolşevik və “rusbaşlar” işi o vəziyyətə gətirdilər ki, artıq özləri də bu səviyyəsizlikdən bezdilər. Mən Ramiz Mehdiyevi nəzərdə tuturam. Mehdiyev böyük bir məqalə ilə çıxış etdi ki, Azərbaycan televiziyalarının səviyyəsi aşağıdır, buna qarşı mübarizə aparmaq lazımdır və s. Halbuki bütün mövcud səviyyəsiz vəziyyəti özü yaratmışdı. İndi həmin məqamlar hələ də davam edir”.

E.Şıxlı deyib ki, bu gün ənənəvi medianı sosial şəbəkələr əvəz edir:

“Sosial şəbəkələrdə nə qədər səviyyəsiz, amma şərh və baxış toplayan ünsürlər varsa, televiziya rəhbərləri öz televiziyalarının populyarlığı üçün həmin o səviyyəsiz adamları ekran qarşısına çıxarırlar. Nəticədə biabırçı vəziyyət yaranır. Maraqlıdır ki, daha aşağı səviyyəli və mədəniyyətsiz aparıcılar var, amma onlara fikir verilmir. Lakin naməlum səbəbdən burda bircə o şəxsi (Nigar Fərhad – red.) insanların heysiyyətinə toxunmaqda günahlandırırlar. Problem bir aparıcı və ya bir kanalda deyil”.

Ekspertin fikrincə, efirdə baş verən səviyyəsizliyin qarşısını almaq artıq çətin məsələdir:

“Bu adamları efirə buraxmaq lazım deyil. Bir reallıq da var ki, indi sosial şəbəkələr dövrü olduğuna görə televiziyanı izləyənlər azdır. Şəxsən mən o verilişlərə baxmıram. Çünki orda maarifləndirici, mənalı bir şey yoxdur. Səviyyəli verilişlər də bu cür zir-zibilin arasında itib-batır. Cəmiyyətin səviyyəsi dəyişməlidir. Maraqlıdır ki, ciddi söz deyəndə 5 nəfər baxır, axmaq nəsə deyəndə 125 nəfər. Ona görə də 5 nəfər ciddi söz deyən insana heç kim fikir vermir, ciddi qəbul etmir”.

Həmçinin oxuyun

Aprel döyüşçüsünün xatirələri:  "Güllə çiynindən girib sinəsindən çıxmışdı, ancaq döyüşü tərk etmək istəmirdi..."

Nigarın “oğluma atasız qız almaram” sözündə Ramiz Mehdiyev detalı - İlginc

Araşdırma: Buz vannasının faydaları

Araşdırma: Yatmadan əvvəl bunu etmək yuxu keyfiyyətinə mənfi təsir göstərir