Bizə yazın

Baku

-°C

USD

-

Cəlilabadda saxta əlillik işi: 58 min manat rüşvət alınması ilə bağlı təfərrüatlar AÇIQLANDI

Cəmiyyət 17 Noyabr 2026, 13:30

327

Əlillik dərəcələrinin təyin edilməsi müqabilində külli miqdarda rüşvət almaqda təqsirləndirilən Cəlilabad Rayon Mərkəzi Xəstəxanasının Həkim Məsləhət Komissiyasının sabiq sədri Könül Zakir qızı Əliyeva və həmin xəstəxananın Məmmədrzalı tibb məntəqəsinin müdiri vəzifəsində işləmiş İltizam Əzimovun cinayət işi üzrə bəzi detallar ortaya çıxıb.

Citypost.az xəbər verir ki, Lənkəran Ağır Cinayətlər Məhkəməsində hakim Esmira Məmmədovanın sədrliyi ilə keçirilən məhkəmə iclasları zamanı məlum olub ki, təqsirləndirilən İltizam Əzimov əlillik dərəcələrinin təyin edilməsi ilə əlaqədar vətəndaşlardan 58 min manat rüşvət alaraq Könül Əliyevaya verib.

Lakin bir müddət sonra məlum olub ki, Könül Əliyeva sözügedən məsələ ilə bağlı işləri həll etməyib. İltizam Əzimov bu səbəbdən onu aidiyyəti orqanlara şikayət edib.

Proseslər zamanı bildirilib ki, zərərçəkənlərdən rüşvət qismində alınan pulların hamısı qaytarılıb. Buna görə də onlar şikayətçi olmayıblar. Həmin şəxslər məhkəmə iclaslarında şahid qismində ifadə veriblər.

Həmçinin məhkəmə iclaslarında bildirilib ki, rüşvət müqabilində sosial müavinət düzəltmək istəyən şəxslərin sosial müavinətləri kəsilib və Dövlət Sosial Müdafiə Fondu ödənilən məbləğləri həmin şəxslərdən geri tələb edir.

Növbəti iclas dekabrın 1-nə təyin olunub.

Qeyd edək ki, sözügedən şəxslər Baş prokuror yanında Korrupsiyaya qarşı Mübarizə Baş İdarəsində başlanmış cinayət işi çərçivəsində istintaqa cəlb olunublar.

Baş Prokurorluğun Mətbuat xidmətinin yaydığı məlumata görə, Könül Əliyeva həmin xəstəxananın Həkim Məsləhət Komissiyasının sədri vəzifəsində işlədiyi dövrdə müxtəlif qanunsuzluqlara yol verməsi barədə araşdırma aparılıb.

İttihama görə, Könül Əliyeva sözügedən vəzifədə işləyərkən həmin xəstəxananın Məmmədrzalı tibb məntəqəsinin müdiri vəzifəsində işləmiş İltizam Əzimovun köməkçiliyi ilə qanunsuz olaraq əlillik dərəcələrinin təyin edilməsi ilə əlaqədar saxta məlumatların müvafiq elektron informasiya sisteminə yerləşdirilməsi müqabilində ona müraciət edən vətəndaşlardan müxtəlif məbləğlərdə pul vəsaitini rüşvət qismində təkrarən alıb və vəzifə səlahiyyətlərindən sui-istifadə etməsi nəticəsində dövlət büdcəsinə maddi ziyan vurub.

Könül Əliyevaya Cinayət Məcəlləsinin 311.3.2-ci (təkrar rüşvət alma), 313-cü (vəzifə saxtakarlığı), İltizam Əzimova isə həmin Məcəllənin 32.5, 308.2-ci (ağır nəticələrə səbəb olan vəzifə səlahiyyətlərindən sui-istifadə etməyə köməkçilik), 32.5, 311.3.2-ci (təkrar rüşvət almaya köməkçilik), 32.5, 313-cü vəzifə saxtakarlığına köməkçilik maddələri ilə ittiham elan edilməklə barələrində polisin nəzarəti altına vermə qətimkan tədbiri seçilsə də, sonradan məhkəmədə dövlət ittihamçısının vəsatəti əsasında həbs ediliblər. (Report)

Problemlərinizi bizə bildirin

077 323 55 66

Parlament 2027-ci il dövlət büdcəsi haqqında qanun layihəsini birinci oxunuşda qəbul edib

Milli Məclisdə “Azərbaycan Respublikasının 2027-ci il dövlət büdcəsi haqqında” qanun layihəsi müzakirəyə çıxarılıb.Citypost.az xəbər verir ki, qanun layihəsinə əsasən, Azərbaycan Respublikasının 2027-ci il dövlət büdcəsinin gəlirləri 39 254 000,0 min manat, xərcləri 42 400 000,0 min manat (o cümlədən mərkəzləşdirilmiş gəlirləri 38 518 425,0 min manat, yerli gəlirləri 735 575,0 min manat, mərkəzləşdirilmiş xərcləri 41 664 425,0 min manat, yerli xərcləri 735 575,0 min manat) məbləğində proqnozlaşdırılır.Müzakirələrdən sonra qanun layihəsi səsverməyə çıxarılaraq birinci oxunuşda qəbul edilib....

17 Noyabr 2026, 13:20

Türkiyə-Azərbaycan savaşı? - Fazil Mustafa təhqir etdi

Bu QUMcuğa anlatmaq lazımdır ki, tarixdə “Azərbaycan-Türkiyə müharibələri” olmayıb və gələcəkdə də olması mümkün deyil. İki qardaş dövlətin müharibəsini arzulayan bütün türk düşmənləri bu qardaşlığın daha da möhkəmləndiyini görə-görə çərləyəcəklər.Citypost.az Axar.az-a istinadən xəbər verir ki, bu sözləri millət vəkili Fazil Mustafa Akif Nağıya ithafən qeyd edib.“Biri Azərbaycan-Türkiyə müharibəsindən danışır, digəri Türkiyəyə bir də zibilli ayağını basmayacağı barədə bəyanat verir, hələ bir az bunlardan ağıllısı da “mat” olmaqdan danışır. Bunların ölüb gedən bir qardaşı da deyirdi ki, Nuru paşa qızıl pul alandan sonra Bakını azad etdi. Bu qədər mikrobun içində Azərbaycan-Türkiyə qardaşlığına öz səmimi töhfəsini verən, dünyada varlığını sürdürən bütün ləyaqətli...

17 Noyabr 2026, 13:18

“Bura danışmaqxana deyil” - Spikerdən deputata irad

“Ötən gün keçirilən plenar iclasda çıxış üçün verilən reqlament 10 dəqiqədən 5 dəqiqəyə endirildi. Hansı deputat 3 dəqiqə danışmaq istəyirsə, danışsın. Başqalarına niyə yol göstərirlər? Bura Milli Məclisdir, danışmaqxanadır. Danışmağa sərhəd qoymaq olmaz”.Citypost.az xəbər verir ki, bunu deputat Səyyad Aran Milli Məclisin bu gün keçirilən plenar iclasında gələn ilin dövlət büdcəsi zərfinin müzakirəsi zamanı bildirib.Spiker Sahibə Qafarova isə deputatın fikirlərinə iradını bildirib: “Bura danışmaqxana deyil. Parlament etikasından və leksikasından istifadə edin. İkincisi, reqlamentin 5 dəqiqəyə keçirilməsi təklif edildi, səsə qoyuldu və qəbul edildi. Ürəyiniz nə qədər istəyirsə, danışın”....

17 Noyabr 2026, 13:04

Almaniya XİN başçısı Yohan Vadeful Azərbaycana gələcək

Almaniyanın xarici işlər naziri Yohan Vadeful bu gün Azərbaycana gələcək.Citypost.az bu barədə "Report"a istinadən xəbər verir.

17 Noyabr 2026, 13:02

İnternet 3 ay olmayacaq, banklardakı pullar silinəcək?

Azərbaycanda noyabrın 17-dən etibarən internetin kəsiləcəyi, bank hesablarındakı vəsaitlərin sıfırlanacağı və əhalinin alış-veriş üçün nağd puldan istifadə etməli olacağı barədə şayiələr yayılır. Sosial şəbəkələrdə yayılan paylaşımlarda hətta qlobal internetin üç ay müddətinə dayandırılacağı iddia edilir.Citypost.az Trend-ə istinadla xəbər verir ki, sözügedən şayiələrin yayılmasına ABŞ-da noyabrın 17-də yəni bu gün keçirilməsi planlaşdırılan fövqəladə xəbərdarlıq sisteminin sınağı ilə bağlı məlumatlar səbəb olub.Həmin sınaq sosial şəbəkələrdə təhrif edilərək qlobal internetin dayandırılması, bank sistemlərinə kiberhücum və hesabların sıfırlanması kimi təqdim edilir. Halbuki ABŞ-ın rəsmi qurumlarının açıqlamalarında belə bir plan nəzərdə tutulmayıb.Yayılan paylaşımlarda iddia olunur ki, hakerlər internetə qoşulmuş sistemləri sıradan çıxaracaq, bank hesablarındakı balanslar...

17 Noyabr 2026, 13:00

Azərbaycan və Polşa MN arasında hərbi tibb sahəsində əməkdaşlıq müzakirə olunub

Azərbaycan ilə Polşa Müdafiə nazirlikləri arasında 2026-cı il üçün imzalanmış ikitərəfli hərbi əməkdaşlıq planına uyğun olaraq, Müdafiə Nazirliyinin Tibb İdarəsinin nümayəndə heyəti Polşada rəsmi səfərdə olub.MN-dən Citypost.az-a verilən xəbərə görə, Polşa Milli Müdafiə Nazirliyinin Hərbi Tibb Xidməti Departamentində keçirilən görüşdə hərbi tibb sahəsində əməkdaşlığın genişləndirilməsi, birgə təlim və təhsil proqramları, elmi-tədqiqat layihələri və təcrübə mübadiləsi məsələləri müzakirə edilib.Səfər çərçivəsində nümayəndə heyəti Varşava Hərbi Tibb İnstitutunda, Lodz Hərbi Tibb Akademiyasında və Hərbi Aviasiya Təbabəti İnstitutunda olub. Görüşlər zamanı hərbi tibb kadrlarının hazırlanması, müasir tibbi infrastruktur, ixtisasartırma proqramları və aviasiya təbabəti sahəsində əməkdaşlıq imkanları barədə fikir mübadiləsi aparılıb.Qeyd edilib ki, səfər iki...

17 Noyabr 2026, 12:45