Rusiya pullarının taleyi necə olacaq?

Almaniya hökuməti hələ də dondurulmuş Rusiya aktivlərinin istifadəsi ilə bağlı qərar qəbul etməyib.

CityPost.az   xəbər  verir   ki, bu barədə Almaniyanın xarici işlər naziri Yohan Vadeful Estoniyaya səfəri zamanı keçirdiyi mətbuat konfransında bildirib.

Nazir bildirib ki, Rusiyanın dondurulmuş aktivlərindən Ukraynaya dəstək məqsədilə istifadənin mümkünlüyü məsələsinə Aİ xarici işlər nazirlərinin avqustun 29-30-da Kopenhagendə keçiriləcək qeyri-rəsmi görüşündə baxılacaq.

"Bu, Kopenhagendə nazirlərin qeyri-rəsmi görüşündə müzakirə olunacaq mövzulardan biri olacaq. Biz mürəkkəb hüquqi məsələləri, eləcə də maliyyə bazarının sabitliyi üçün nəticələri aydınlaşdırmalıyıq", - Almaniya Xarici İşlər Nazirliyinin rəhbəri bildirib.

Nazir xatırladıb ki, Avropa İttifaqı artıq sanksiyalar altında dondurulmuş Rusiya aktivlərinin yenidən investisiyasından gəlirlər göndərir.

Həmçinin oxuyun

Quran oxumağı 87 yaşında öyrəndi

Azərbaycan Türkiyəyə qaz tədarükündə Rusiyanı ötüb

Prezidentlər arasında gizli yazışma ÜZƏ ÇIXDI 

Rusiya bu əraziləri ƏLƏ KEÇİRİR 

Avropada dondurulmuş Rusiyanın suveren aktivlərinin əhəmiyyətli bir hissəsi - 200 milyard avrodan çox - Belçikadakı Euroclear depozitarının hesablarındadır. Depozitarın özü dəfələrlə bu vəsaitlərin birbaşa istifadəsinə qarşı çıxış edib və xəbərdarlıq edib ki, bu cür tədbirlər Moskvanın cavab addımlarına, o cümlədən xaricdəki Avropa və ya Belçika aktivlərinin müsadirəsi ilə bağlı məhkəmə proseslərinə səbəb ola bilər.

Almaniya kansleri Fridrix Merz bu həftə Rusiyanın aktivlərindən istifadə riskini ciddi hesab etdiyini, çünki onlar kapital bazarına təsir edəcəyini bildirib.

Daha əvvəl bildirilmişdi ki, Kopenhagendə Avropa ölkələri Rusiyaya qarşı 19-cu sanksiyalar paketi çərçivəsində mümkün tədbirlər haqqında fikir mübadiləsi aparacaq və sülh sazişi bağlandıqdan sonra Ukrayna üçün təhlükəsizlik təminatlarını müzakirə edəcək.

Nigar