Bizə yazın

Baku

-°C

USD

-

Ailədə Hepatit C xəstəsi varsa, nə etməli? – Həkimdən vacib tövsiyələr

Tibb 19 Noyabr 2026, 09:30

416

Hepatit C virusu ilə bağlı cəmiyyətdə hələ də bir sıra yanlış təsəvvürlər mövcuddur. Xəstəlik aşkarlanan şəxslər bəzən ailə üzvləri və yaxınları tərəfindən ehtiyatla qarşılanır, hətta onlarla gündəlik ünsiyyətdən belə çəkinənlər olur. Halbuki Hepatit C adi məişət təması, əl görüşmə, qucaqlaşma və ya öpüşmə yolu ilə yayılmır. Bu virusun əsas yoluxma mexanizmi qan vasitəsilədir. Buna görə də xəstəliyin yayılmasının qarşısını almaq üçün Hepatit C daşıyıcısı olan insanlardan uzaq durmaq deyil, qanla təmas riski yaradan əşyaların ortaq istifadəsindən çəkinmək vacibdir.

Məsələ ilə bağlı Citypost.az-a açıqlamasında hepatoloq Vüsalə Ağayeva bildirib ki, Hepatit C virusu olan şəxslərlə gündəlik ünsiyyətdən qorxmağa və onların həyatını çətinləşdirməyə ehtiyac yoxdur. Xəstəlik öpüşmə, qucaqlaşma, əl görüşmə, eyni otaqda olmaq, birlikdə yemək yemək və ya eyni qab-qacaqdan istifadə etməklə yoluxmur. Virusun ötürülməsi üçün, əsasən, yoluxmuş şəxsin qanının başqa bir insanın qan dövranına daxil olması lazımdır.

Həkimin sözlərinə görə, ailədə Hepatit C diaqnozu qoyulmuş şəxsin olması digər ailə üzvlərinin ondan təcrid edilməsini tələb etmir. Belə insanların yaxınları ilə normal münasibət saxlamasında, eyni evdə yaşamasında və gündəlik fəaliyyətlərini birlikdə həyata keçirməsində hər hansı problem yoxdur. Əsas diqqət yetirilməli məqam şəxsi gigiyena vasitələrinin, xüsusilə də üzərində qan izi qala biləcək əşyaların ortaq istifadə edilməməsidir.

Vüsalə Ağayeva qeyd edib ki, ev şəraitində diş fırçası, üzqırxan ülgüc və jiletlər, dırnaq qayçısı, manikür-pedikür alətləri, eləcə də dərini kəsə və ya zədələyə bilən digər vasitələr hər kəsin şəxsi istifadəsində olmalıdır. Çünki bu əşyaların üzərində gözlə görünməyən qan qalıqları qala bilər. Həmin vasitələr başqa bir şəxs tərəfindən istifadə edildikdə virusun ötürülməsi riski yaranır.

Hepatoloq xüsusilə üzqırxan jiletlərin ortaq istifadəsinə diqqət çəkib. Onun sözlərinə görə, məişətdə bu məsələyə bəzən ciddi yanaşılmır. Eyni ailədə yaşayan şəxslər, hətta qardaşlar belə bir-birinin üzqırxan vasitələrindən istifadə edə bilirlər. Halbuki üzqırxma zamanı dəridə çox kiçik, gözlə seçilməyən kəsiklər yarana bilər və jiletin üzərində qan qalıqları qala bilər. Belə bir vasitənin başqa şəxs tərəfindən istifadəsi Hepatit C virusunun ötürülməsi üçün risk yaradır.

Həkim praktikada bununla bağlı hallarla rastlaşdığını da bildirib. Onun sözlərinə görə, əkiz qardaşların bir-birinin üzqırxan jiletindən istifadə etməsi nəticəsində hər iki şəxsdə Hepatit C virusunun aşkarlandığı vəziyyətlə qarşılaşıb. Bu nümunə göstərir ki, insanlar arasında yaxın qohumluq münasibətinin olması və ya eyni ailədə yaşamaq yoluxma riskini aradan qaldırmır. Əksinə, şəxsi gigiyena vasitələrinin ortaq istifadəsi qanla təmas ehtimalını artırır.

Mütəxəssis vurğulayıb ki, Hepatit C virusu gündəlik sosial münasibətlər zamanı yayılmadığı üçün xəstəlik aşkarlanan insanlara qarşı ayrı-seçkilik etmək düzgün deyil. Belə şəxslərlə eyni süfrədə əyləşmək, söhbət etmək, əl sıxmaq, qucaqlaşmaq və digər adi ünsiyyət formaları yoluxma təhlükəsi yaratmır. Cəmiyyətdə bu barədə yanlış məlumatların yayılması isə xəstələrin psixoloji vəziyyətinə mənfi təsir göstərə, onların ailə və sosial mühitdən uzaqlaşmasına səbəb ola bilər.

Vüsalə Ağayeva əlavə edib ki, Hepatit C-dən qorunmaq üçün əsas məsələ qanla təmas yarada biləcək vasitələrdən düzgün istifadə etməkdir. Evdə hər kəsin öz diş fırçası, üzqırxan jileti, dırnaq qayçısı və digər şəxsi gigiyena alətləri olmalıdır. Eyni zamanda, tatuaj, pirsinq, manikür və tibbi prosedurlar zamanı istifadə edilən alətlərin steril olmasına diqqət yetirilməlidir. İynə və şprislərin təkrar və ya ortaq istifadəsi isə xüsusilə təhlükəlidir.

Hepatit C virusunun uzun müddət heç bir aşkar əlamət vermədən orqanizmdə qala bilməsi də diqqətdən yayınmamalıdır. Bir çox insan yoluxduğundan xəbərsiz ola bilər. Müalicə olunmadıqda infeksiya qaraciyərdə xroniki iltihaba, zamanla fibroz və sirroza, bəzi hallarda isə qaraciyər xərçənginə səbəb ola bilər. Buna görə də riskli təmas ehtimalı olan şəxslərin müayinədən keçməsi və zərurət yarandıqda müalicə alması vacibdir.

Hepatoloq insanlara müraciət edərək bildirib ki, Hepatit C diaqnozu olan şəxslərdən qorxmaq və onları gündəlik həyatdan təcrid etmək əvəzinə, xəstəliyin hansı yollarla yayıldığını düzgün öyrənmək lazımdır. Sadə gigiyena qaydalarına əməl etməklə yoluxma riskini azaltmaq mümkündür. Əsas prinsip qanla təmas ehtimalı olan şəxsi əşyaları ortaq istifadə etməməkdir. Gündəlik ünsiyyətdə isə xəstəliyi olan insanlara qarşı normal münasibət göstərilməli, onların həyatını çətinləşdirəcək əsassız məhdudiyyətlərdən uzaq durulmalıdır.

Yeganə 

Problemlərinizi bizə bildirin

077 323 55 66

Təzyiq normaya düşdükdə müalicəni dayandırmaq olarmı? – KARDİOLOQ AÇIQLADI

Arterial təzyiqin normallaşması hipertoniya xəstəliyinin tamamilə aradan qalxdığı anlamına gəlmir. Buna görə də təzyiq dərmanlarını həkim məsləhəti olmadan dayandırmaq və ya qəbul qaydasını özbaşına dəyişmək orqanizmdə ciddi fəsadlara səbəb ola bilər. Bəzi pasiyentlər təzyiqlərinin müəyyən müddət ərzində normal olduğunu gördükdə artıq dərman qəbul etməyə ehtiyac qalmadığını düşünürlər. Lakin bu, yol verilən yanlış yanaşmalardan biridir. Çünki təzyiqin normada saxlanılması çox vaxt məhz qəbul edilən dərmanların təsiri nəticəsində mümkün olur.Məsələ ilə bağlı Citypost.az-a açıqlamasında kardioloq Səyyarə Abdullayeva bildirib ki, arterial hipertoniya əksər hallarda uzunmüddətli nəzarət və müalicə tələb edən xroniki xəstəlikdir. Təzyiqin dərman vasitəsilə normallaşması müalicənin başa çatması demək deyil. Əksinə, bu,...

19 Noyabr 2026, 08:30

İctimai tualetlərdən HPV-yə yoluxmaq mümkündürmü? – UROLOQ MİFƏ AYDINLIQ GƏTİRDİ

İnsan papilloma virusu (HPV) dünyada geniş yayılan virus infeksiyalarından biridir. Bu virusla bağlı cəmiyyətdə çoxsaylı suallar və yanlış təsəvvürlər mövcuddur. Xüsusilə ictimai tualetlərdən, unitazlardan və ümumi istifadə olunan sanitar qovşaqlardan HPV-yə yoluxma ehtimalı insanları narahat edən məsələlərdəndir. Bəzi şəxslər HPV diaqnozu aldıqdan sonra virusa məhz ictimai tualetdə yoluxduqlarını düşünürlər. Lakin tibbi məlumatlar virusun əsas ötürülmə yolunun fərqli olduğunu göstərir.Mövzu ilə bağlı Citypost.az-a açıqlama verən uroloq-androloq Bəxtiyar Hüseynov bildirib ki, HPV əsasən intim və cinsi təmas zamanı, xüsusilə də dəri-dəriyə kontakt vasitəsilə ötürülür. Onun sözlərinə görə, ictimai tualetlərdən və unitazlardan bu virusa yoluxma ehtimalı barədə insanlar arasında geniş yayılmış fikirlər olsa...

18 Noyabr 2026, 10:30

Qrip ürəyə də zərər verə bilər:Bu əlamətlərə diqqət edin – KARDİOLOQ DANIŞDI

Qrip və digər yuxarı tənəffüs yolları infeksiyaları yalnız burun, boğaz və ağciyərlərə təsir etməklə məhdudlaşmır. Bəzi hallarda infeksion xəstəliklər ürək-damar sistemində də fəsadlara səbəb ola bilər. Xüsusilə virus infeksiyalarından sonra davam edən halsızlıq, təngnəfəslik, döş qəfəsində ağrı və ürək döyüntülərində dəyişikliklər diqqətdən kənarda qalmamalıdır. Çünki bəzi infeksiyalar ürək əzələsində və ya ürəyi əhatə edən qişada iltihabi proses yarada bilər.Mövzu ilə bağlı Citypost.az-a açıqlama verən kardioloq Aytən Yüzbaşıyeva bildirib ki, qrip və digər infeksion xəstəliklər zamanı ürək də risk altında ola bilər. Onun sözlərinə görə, infeksiyanın gedişində yaranan iltihabi proses bəzi hallarda ürək əzələsinə, ürəyi əhatə edən qişaya və nadir hallarda...

18 Noyabr 2026, 09:30

Əzələ ağrısı ilə ürək ağrısını necə fərqləndirmək olar? – KARDİOLOQ AÇIQLADI

Sinə nahiyəsində, sol qolda və kürəkdə yaranan ağrılar hər zaman eyni səbəbdən qaynaqlanmır. Bəzən bu ağrılar fiziki iş, idman və ya əzələlərin həddindən artıq yüklənməsi nəticəsində meydana gəlir. Lakin eyni nahiyələrdə hiss olunan ağrılar ürək-damar sistemi ilə bağlı problemlərin, xüsusilə də stenokardiya və infarktın əlaməti də ola bilər. Buna görə də əzələ ağrısı ilə ürək mənşəli ağrını bir-birindən ayırmaq, təhlükəli simptomları vaxtında tanımaq olduqca vacibdir.Mövzu ilə bağlı Citypost.az-a açıqlama verən kardioloq-terapevt İslam Əziz bildirib ki, əzələ ağrıları, əsasən, fiziki yüklənmədən, idmandan və ya ağır işdən sonra yaranır. Belə hallarda əzələlər gərilir, dartılır və nəticədə müəyyən nahiyədə ağrı hiss olunur. Bu...

18 Noyabr 2026, 08:30

Səhər yeməyini ötürmək mədəyə necə təsir edir? Həkim xəbərdarlıq edir

Gündəlik həyatın sürətli tempi, iş rejimi və düzgün qidalanmaya kifayət qədər vaxt ayrılmaması bir çox insanda həzm sistemi ilə bağlı narahatlıqların yaranmasına səbəb olur. Səhər yeməyi yemədən evdən çıxmaq, gün ərzində aclığı qəhvə və şirniyyatla aradan qaldırmağa çalışmaq, axşam saatlarında isə birdən-birə çox miqdarda və yağlı qidalar qəbul etmək mədənin fəaliyyətinə mənfi təsir göstərə bilər. Belə qidalanma vərdişləri xüsusilə mədə yanması, qıcqırma, göynəmə, köp və digər həzm problemlərindən əziyyət çəkən insanlarda şikayətləri daha da artıra bilər.Mövzu ilə bağlı Citypost.az-a açıqlama verən qastroenteroloq-endoskopist Sürəyya İsmayıl bildirib ki, insanların gündəlik qidalanma rejimində yol verdiyi səhvlər mədə-bağırsaq sistemində müxtəlif narahatlıqların yaranmasına şərait yaradır....

17 Noyabr 2026, 11:40

Hərarət və müalicədən sonra xəstəlik yenidən yarana bilərmi? – Həkimdən AÇIQLAMA

Müəyyən xəstəliklərin müalicəsindən sonra pasiyentlərdə yenidən yoluxma və ya xəstəliyin təkrarlanması halları müşahidə oluna bilər. Bu, xüsusilə müalicə müddətində və sağaldıqdan sonra gigiyena qaydalarına əməl edilmədikdə, düzgün qidalanma təmin olunmadıqda və həkimin tövsiyələri nəzərə alınmadıqda baş verə bilər. Bəzi hallarda pasiyent müalicə nəticəsində sağalsa da, gündəlik həyatında yoluxma riskini artıran davranışları davam etdirir. Nəticədə eyni və ya oxşar infeksion problemlə yenidən qarşılaşa bilər.Mövzu ilə bağlı Citypost.az-a açıqlama verən həkim Zeynəb Sadıqova bildirib ki, müalicədən sonra xəstəliyin yenidən yaranması mümkündür. Onun sözlərinə görə, bunun qarşısını almaq üçün yalnız dərman müalicəsi almaq kifayət etmir, eyni zamanda düzgün qidalanmaya, şəxsi gigiyenaya və həkimin...

17 Noyabr 2026, 10:40