"Qəzzada atəşkəs razılaşmasının ikinci mərhələsi yeni təkliflər yerinə həyata keçirilməlidir"-HƏMAS

HƏMAS bəyan edib ki, Qəzzada yeni və ikinci dərəcəli razılaşmalar etmək əvəzinə, yanvarın 19-da əldə olunan atəşkəs razılaşmasının ikinci mərhələsinə start verilməlidir.

Citypost.az xəbər verir ki, HƏMAS sözçüsü Hazim Kasım ABŞ prezidenti Donald Trampın Yaxın Şərq üzrə xüsusi nümayəndəsi Steve Witkoffun yeni atəşkəs təklifinə müsbət cavab versələr də, bu cavabın qəbuledilməz kimi qiymətləndirilməsini dəyərləndirib.

Kasım, "Edilməli olan, yeni və ikinci dərəcəli razılaşmalar etmək deyil, atəşkəs razılaşmasının ikinci mərhələsini həyata keçirməkdir. Razılaşmanın mərhələlaətşərinin həyata keçirilməsi hədəfləri təmin edir. Təhdidedici dilə müraciət etmək müsbət nəticə vermir, əksinə, işləri çıxılmaz vəziyyətə gətirir",-deyə qeyd edib.

HƏMAS sözçüsü bəyan edib ki, razılaşmanın məqsədlərinə çatmağın düzgün yolu əvvəlcə bütün tərəflər tərəfindən razılaşdırılaraq imzalanmış məsələlərin həyata keçirilməsidir.

Kasım, ABŞ rəhbərliyinin razılaşma üçün bir çərçivə təqdim etdiyinə və onun müvəffəqiyyətini təmin etmək üçün Witkoff da daxil olmaqla vasitəçilərin hərəkətə keçdiyinə diqqət çəkdi.

İsrail dövlət televiziyası KAN, martın 14-də verdiyi xəbərdə Witkoffun Qətərin paytaxtı Dohada Qəzzada davam edən atəşkəs danışıqları çərçivəsində yeni bir təklif təqdim etdiyini iddia edib.

İsrailin “Kanal 12” televiziyası həmçinin qeyd edib ki, Witkoff daha çox əsiri azad etmək üçün ilk təklifin (10) mümkün olmadığını başa düşdükdən sonra vasitəçilərə 5 diri əsirin azad edilməsini və Qəzza zolağında əsir götürülən bütün ABŞ vətəndaşları da daxil olmaqla 9 əsirin cəsədlərinin çatdırılmasını təklif edib.

Xəbərə görə, Witkoff Qəzza zolağında Ramazan ayı və yəhudilərin müqəddəs Pasxa bayramını əhatə edən 50 günlük atəşkəs və fələstinli məhbusların azad edilməsini təklif edib.

Həmas, ABŞ vətəndaşı olan İsrail əsgəri Edan Alexander və 4 ABŞ-İsrail vətəndaşının qalıqlarının təhvil verilməsi təklifinə müsbət cavab versə də, Witkoff bu cavabı "qəbuledilməz" adlandırıb.

Witkoff, "Təklif ağlabatan idi və israillilərə bu barədə məlumat verildi, lakin 3 gün gözlədikdən sonra HƏMAS-dan qəbuledilməz bir cavab aldıq. Mən Həmas-a ağıllı olmağı və ABŞ-ın Yəməndəki Husilərə hücumlarının nə etdiyinə baxmağı tövsiyə edirəm" dedi. 

Yeganə

Həmçinin oxuyun

Prezident yeni fərman imzaladı 

SON DƏQİQƏ! Kütləvi həbslər başladı: Siyahıda kimlər var?  

Prezident onları təltif etdi - Siyahı   

Sənan Mehdiyevin həbsinə səbəb olan rəydə ekspertlər kobud səhvə yol verib? - SENSASSİON AÇIQLAMA