İllərlə kommunal pul ödəmək evin sahibi olmaq deməkdir? – VƏKİLDƏN AÇIQLAMA
Hüquq 09 Noyabr 2026, 11:00
1624
Uzun illər ərzində bir evdə yaşamaq, həmin əmlakın kommunal xidmətlərindən istifadə etmək və bütün ödənişləri öz hesabına həyata keçirmək bir çox insanda həmin evə mülkiyyət hüququnun yarandığı barədə fikir formalaşdırır. Xüsusilə də 20-30 il ərzində elektrik enerjisi, qaz, su və digər kommunal xərcləri ödəyən şəxslər bu ödənişlərin əsasında evə çıxarış ala bilib-bilməyəcəkləri ilə maraqlanırlar. Bəs uzun müddət kommunal ödənişlərin edilməsi daşınmaz əmlak üzərində mülkiyyət hüququnun tanınması üçün kifayət edirmi?
Vəkil Mircavad Miriyev Citypost.az-a açıqlamasında bildirib ki, ümumi qaydada kommunal xidmətlərə görə ödənişlərin edilməsi şəxsin həmin daşınmaz əmlak üzərində avtomatik mülkiyyət hüququ əldə etməsi demək deyil. Lakin bu ödənişlər müəyyən hallarda əmlaka uzun müddət faktiki sahiblik edilməsini təsdiqləyən mühüm sübutlardan biri kimi çıxış edə bilər.
Onun sözlərinə görə, qanunvericilikdə daşınmaz əmlaka uzun müddət faktiki sahiblik edən şəxslərin mülkiyyət hüququ əldə etməsi ilə bağlı müddəalar nəzərdə tutulub. Belə hallarda yalnız şəxsin həmin evdə yaşaması deyil, əmlaka hansı əsaslarla və hansı formada sahiblik etməsi, onu öz əmlakı kimi idarə etməsi, sahibliyin açıq, fasiləsiz və qanunla tələb olunan digər şərtlərə uyğun olması da araşdırılır.
Vəkil qeyd edib ki, Azərbaycan Respublikasının Mülki Məcəlləsinin 178.6-cı maddəsində daşınmaz əmlaka uzun müddət sahiblik etməklə mülkiyyət hüququnun əldə olunması məsələsi tənzimlənir. Bu müddəa müəyyən şərtlər daxilində daşınmaz əmlaka 30 il ərzində öz əmlakı kimi açıq və fasiləsiz sahiblik etmiş şəxsin həmin əmlak üzərində mülkiyyət hüququnun tanınması məsələsini gündəmə gətirə bilər.
Mircavad Miriyevin sözlərinə görə, burada əsas məqamlardan biri 30 illik müddətin necə hesablanmasıdır. Bu məsələ ilə bağlı məhkəmə təcrübəsində xüsusi yanaşma mövcuddur. Ali Məhkəmənin Plenumunun müvafiq qərarında müddətin 2001-ci ildən hesablanması məsələsinə toxunulub. Bu yanaşma nəzərə alındıqda, 30 illik müddətin tamamlanması 2031-ci ilə təsadüf edə bilər.
O bildirib ki, bu səbəbdən vətəndaşın, məsələn, 1990-cı illərdən etibarən həmin evdə yaşaması və kommunal xərcləri ödəməsi özlüyündə 30 illik hüquqi müddətin artıq tamamlandığı anlamına gəlmir. Müddətin hesablanmasında qanunvericiliyin tələbləri və Ali Məhkəmənin formalaşdırdığı məhkəmə təcrübəsi əsas götürülməlidir.
Vəkil kommunal ödənişlərin sübut kimi əhəmiyyətinə də diqqət çəkib. Onun sözlərinə görə, elektrik enerjisi, qaz, su və digər xidmətlər üzrə uzun illər ərzində aparılmış ödənişləri təsdiq edən qəbzlər, abonent məlumatları və digər sənədlər şəxsin həmin əmlakdan davamlı istifadə etdiyini göstərən sübutlar sırasına daxil ola bilər.
Həmçinin oxuyun
Bununla yanaşı, həmin sənədlər təkbaşına mülkiyyət hüququnun tanınması üçün kifayət etmir. Məhkəmə və ya müvafiq dövlət qurumu məsələyə baxarkən digər halları da nəzərə almalıdır. Məsələn, şəxsin evə hansı əsasla köçməsi, əmlakın əvvəlki sahibinin kim olması, həmin şəxsin əmlaka münasibətdə özünü mülkiyyətçi kimi aparıb-aparmaması, sahibliyin başqa şəxslər tərəfindən mübahisələndirilib-mübahisələndirilməməsi və əmlakla bağlı hər hansı hüquqi maneənin mövcudluğu araşdırıla bilər.
Mircavad Miriyev vurğulayıb ki, uzun müddət kommunal ödənişlərin edilməsi və evə faktiki sahibliklə bağlı sənədlərin toplanması gələcəkdə hüquqların rəsmiləşdirilməsi prosesində şəxsin mövqeyini gücləndirə bilər. Bu baxımdan, vətəndaşların illər ərzində saxladıqları kommunal qəbzləri, abonent müqavilələrini, yaşayış və istifadə faktını təsdiqləyən digər sənədləri qoruyub saxlaması əhəmiyyətlidir.
O əlavə edib ki, hər bir daşınmaz əmlakın hüquqi vəziyyəti fərqli olduğundan, konkret halda hansı sənədlərin tələb olunacağı və mülkiyyət hüququnun tanınması üçün hansı prosedurun tətbiq ediləcəyi ayrıca qiymətləndirilməlidir. Xüsusilə də evin əvvəlki sahibinin, vərəsələrin və ya digər şəxslərin həmin əmlak üzərində hüquqları varsa, bu hallar məsələnin həllinə təsir göstərə bilər.
Beləliklə, 30 il ərzində kommunal xərcləri ödəmək və evdən fasiləsiz istifadə etmək həmin əmlaka avtomatik çıxarış almaq hüququ yaratmır. Ancaq qanunvericilikdə nəzərdə tutulan müddət və digər şərtlər mövcud olduqda, bu ödənişlər şəxsin əmlaka faktiki sahiblik etməsini təsdiqləyən mühüm sübutlardan biri sayıla bilər. Əsas məsələ yalnız kommunal qəbzlərin olması deyil, daşınmaz əmlaka sahiblik faktının qanunun tələb etdiyi bütün meyarlara uyğun şəkildə sübut edilməsidir.
Əli
Ən son xəbərləri bizim Facebook kanalımızda izləyin
Ən son xəbərləri bizim Instagram kanalımızda izləyin
Məhkəmədən xəbərsiz qalan şəxsin nikahı pozula bilərmi? – VƏKİL AÇIQLADI
Bəzən vətəndaşlar uzun müddət həyat yoldaşları ilə əlaqə saxlamadıqları və ya məhkəmə bildirişlərindən xəbər tutmadıqları üçün nikahlarının pozulduğunu sonradan öyrənirlər. Belə hallar xüsusilə məhkəmə proseslərində iştirak etməyən, ünvanını və ya əlaqə nömrəsini dəyişdiyi halda bu barədə müvafiq məlumatları yeniləməyən şəxslər arasında baş verə bilər. Bəs həyat yoldaşlarından birinin xəbəri olmadan nikah pozula bilərmi? Məhkəmə boşanma prosesində tərəflərdən birinin iştirak etməməsi halında hansı qərarı verə bilər?Vəkil Lalə Salmanova Citypost.az-a açıqlamasında bildirib ki, müəyyən hallarda tərəflərdən biri boşanma qərarından yalnız xeyli müddət sonra xəbər tuta bilər. Belə vəziyyətlərdə əsas məsələ məhkəmə prosesinin qanunvericiliyin tələblərinə uyğun aparılması və tərəflərin lazımi qaydada məlumatlandırılmasıdır.Vəkilin sözlərinə...
09 Noyabr 2026, 10:00
3 yaşınadək uşağı olan anaları işdən çıxaranları hansı cəza gözləyir?
Himayəsində azyaşlı uşağı olan anaların işdən çıxarılması məsələsi əmək qanunvericiliyində xüsusi qaydada tənzimlənir. Bəzi hallarda müəssisələrdə struktur dəyişikliyi və işçi ixtisarı aparılarkən azyaşlı uşağı olan qadınların da əmək müqaviləsinə xitam verilməsi ilə bağlı qərarlar qəbul edilir. Lakin qanunvericilik müəyyən kateqoriyadan olan işçilərin hüquqlarını qoruyur və işəgötürənlərin belə şəxslərlə əmək münasibətlərinə xitam verməsini məhdudlaşdırır.Vəkil Cavanşir Qasımzadə Citypost.az-a açıqlamasında bildirib ki, Azərbaycan Respublikası Əmək Məcəlləsinin 79-cu maddəsində işəgötürən tərəfindən əmək müqaviləsinin ləğv edilməsi qadağan olunan işçilərin dairəsi müəyyənləşdirilib.Vəkilin sözlərinə görə, həmin maddəyə əsasən, üç yaşınadək uşağı olan qadınlarla, eləcə də üç yaşınadək uşağını təkbaşına böyüdən kişilərlə işəgötürənin təşəbbüsü ilə əmək müqaviləsinin ləğvinə...
09 Noyabr 2026, 09:00
Sənədsiz tikilən ev boşanma zamanı necə bölünür? – Hüquqi prosedur necə həyata keçirilir?
Ailə münasibətlərinə xitam verilərkən ər-arvad arasında yaranan əmlak mübahisələri bəzən daha mürəkkəb xarakter alır. Xüsusilə nikah dövründə inşa edilmiş, lakin mülkiyyət hüququ dövlət qeydiyyatına alınmamış evlərin boşanma zamanı necə bölünməsi tərəflər üçün ciddi suallar yaradır. Belə vəziyyətlərdə bir çoxları düşünür ki, əmlakın rəsmi sənədinin olmaması onun bölünməsini mümkünsüz edir. Halbuki sənədsiz əmlakla bağlı mübahisələrdə də tərəflərin çəkdiyi xərclər, tikintiyə sərf olunan vəsait və əmlakın faktiki dəyəri hüquqi baxımdan əhəmiyyət daşıya bilər.Hüquqşünas Lamiyə Tahirova Citypost.az-a açıqlamasında bildirib ki, nikah dövründə tikilmiş, lakin müvafiq sənədləri olmayan evlərin bölünməsi zamanı ilk növbədə həmin əmlaka sərf edilən vəsait və onun faktiki dəyəri müəyyənləşdirilməlidir. Bu...
06 Noyabr 2026, 11:40
Birgə yaşayış dövründə götürülən kredit boşanma zamanı ər-arvad arasında bölünə bilərmi?
Ailə münasibətlərinə xitam verilməsi zamanı tərəflər arasında yaranan əsas mübahisələrdən biri də nikah dövründə əldə edilmiş əmlakın və götürülmüş borc öhdəliklərinin necə bölüşdürülməsidir. Xüsusilə ər və ya arvaddan birinin birgə yaşayış dövründə bankdan kredit götürməsi, lakin sonradan boşanma baş verdikdə həmin borcun digər tərəflə bölüşdürülməsini tələb etməsi hüquqi baxımdan bir sıra suallar yaradır. Bu zaman ən çox maraq doğuran məsələlərdən biri kreditin yalnız bir tərəfin adına rəsmiləşdirilməsinə baxmayaraq, digər həyat yoldaşının da həmin borca görə məsuliyyət daşıyıb-daşımamasıdır.Vəkil Əminə İsmayılzadə Citypost.az-a açıqlamasında bildirib ki, nikah dövründə götürülən hər bir kredit avtomatik olaraq ər-arvadın ümumi borcu hesab edilmir. Belə hallarda əsas məsələ...
06 Noyabr 2026, 10:40
Bunu edən sürücülər cərimələnəcək - 100 manat və 2 bal
Azərbaycanda avtomobil idarə edən sürücülərin böyük əksəriyyəti əsas yol hərəkəti qaydalarını — sürət həddini aşmamağı, qırmızı işıqda keçməməyi və təhlükəsizlik kəmərini bağlamağı yaxşı bilir. Lakin elə situasiyalar var ki, sürücülər adət etdikləri vərdişlərin və ya kiçik ehtiyatsızlıqların cərimə ilə nəticələndiyindən xəbərsiz olurlar. Yol hərəkəti haqqında qanunvericilikdə nəzərdə tutulmuş bu xırda detal kimi görünən qaydalar, əslində həm büdcənizə, həm də sürücülük balınıza ciddi təsir göstərə bilər.CityPost.az sükan arxasında tez-tez qarşılaşdığımız və cəriməyə səbəb olan həmin situasiyaları təqdim edir:Pəncərədən atılan kiçik bir zibilin baha başa gəlməsi Hərəkətdə olarkən və ya işıqforda gözləyərkən pəncərədən siqaret kötüyü, tullantı və ya salfet atmaq sadəcə mədəniyyətsizlik deyil,...
05 Noyabr 2026, 13:56
Ana vəfat etdikdən sonra ev övladlarından hansına qalır? – Bacı və qardaşın da vərəsəlik hüququ varmı?
Valideyn vəfat etdikdən sonra onun adına olan evin övladlardan birinin adına rəsmiləşdirilməsi zamanı digər ailə üzvlərinin vərəsəlik hüququ ilə bağlı suallar yaranır. Xüsusilə mərhum valideynin evində övladlarından yalnız biri yaşayıb qeydiyyatda olduqda, digər bacı və qardaşların həmin əmlakdan pay tələb edib-etməyəcəyi müzakirə mövzusuna çevrilir. Bəzi hallarda isə evdə yaşayan övladın həyat yoldaşının da vəfat etməsi vərəsəlik məsələsini daha da mürəkkəbləşdirir. Bəs ana vəfat etdikdən sonra onun adına olan evdə yaşayan övlad mənzili öz adına keçirə bilərmi? Digər bacı və qardaşların həmin evə münasibətdə miras payı qalırmı?Vəkil Samir Süleymanov Citypost.az-a açıqlamasında bildirib ki, ananın vəfatından sonra onun mülkiyyətində olan ev üzrə...
05 Noyabr 2026, 10:30
