Ülviyyə Həmzəyeva: Vyetnamla əlaqələr strateji əhəmiyyət daşıyır
Siyasət 20 Noyabr 2026, 11:49
764
Qloballaşan dünyada dövlətlər arasında münasibətlərin inkişafı yalnız siyasi dialoqla deyil, həm də iqtisadi maraqların uzlaşdırılması, qarşılıqlı etimadın möhkəmləndirilməsi və yeni əməkdaşlıq istiqamətlərinin müəyyənləşdirilməsi ilə xarakterizə olunur. Bu baxımdan Azərbaycanın müxtəlif regionlarla əlaqələrini genişləndirməsi, xüsusilə Asiya ölkələri ilə tərəfdaşlığa xüsusi diqqət yetirməsi ölkəmizin xarici siyasətinin mühüm istiqamətlərindən biridir. Azərbaycan Respublikasının Prezidenti İlham Əliyevin Vyetnama rəsmi səfəri də məhz bu strateji yanaşmanın davamı kimi xüsusi əhəmiyyət daşıyır.Noyabrın 19-da Vyetnam Kommunist Partiyasının Baş katibi və ölkə Prezidenti To Lamın dəvəti ilə başlayan səfər iki ölkə arasında mövcud dostluq münasibətlərinin daha yüksək səviyyəyə çatdırılması üçün mühüm siyasi zəmin yaradır. Prezident İlham Əliyevin Vyetnam Xəbər Agentliyinə verdiyi müsahibə isə Azərbaycan-Vyetnam əməkdaşlığının mövcud vəziyyətini və gələcək inkişaf istiqamətlərini aydın şəkildə ortaya qoyur. Dövlət başçısının fikirləri göstərir ki, hər iki ölkə münasibətlərin inkişafında yeni mərhələyə qədəm qoymaq və mövcud potensialdan daha səmərəli istifadə etmək niyyətindədir.
Citypost.az xəbər verir ki, bu sözləri Milli Məclisin deputatı Ülviyyə Həmzəyeva Oxu24.com-a açıqlamasında bildirib.
Millət vəkili vurğulayıb ki, Azərbaycan və Vyetnamın coğrafi baxımdan bir-birindən uzaqda yerləşməsinə baxmayaraq, onları birləşdirən əsas amillərdən biri müstəqil inkişaf yolu, milli maraqlara əsaslanan siyasət və beynəlxalq əməkdaşlığa açıq yanaşmadır. Xüsusilə son illərdə Vyetnamın iqtisadi inkişaf tempinin yüksəlməsi və beynəlxalq bazarlardakı mövqeyinin güclənməsi bu ölkəni Azərbaycan üçün perspektivli tərəfdaşlardan birinə çevirir. Azərbaycan isə əlverişli coğrafi mövqeyi, zəngin enerji resursları və inkişaf etmiş nəqliyyat infrastrukturu ilə Vyetnam üçün mühüm əməkdaşlıq imkanları təqdim edir.İki ölkə arasında iqtisadi əlaqələrin genişləndirilməsi xüsusi diqqət tələb edən məsələlərdəndir. Mövcud ticarət münasibətlərinin daha da inkişaf etdirilməsi, qarşılıqlı investisiyaların təşviqi və sahibkarlar arasında birbaşa əlaqələrin qurulması gələcək əməkdaşlığın əsas istiqamətlərini təşkil edə bilər. Xüsusilə sənaye, kənd təsərrüfatı, ərzaq təhlükəsizliyi və müasir texnologiyalar sahəsində birgə layihələrin həyata keçirilməsi hər iki dövlət üçün yeni iqtisadi imkanlar yaradacaq. Bu əməkdaşlıq modeli tərəflərə yalnız hazırkı iqtisadi əlaqələri genişləndirmək deyil, həm də uzunmüddətli inkişaf üçün möhkəm tərəfdaşlıq mexanizmləri formalaşdırmaq imkanı verir.
Həmçinin oxuyun
Onun sözlərinə görə, energetika sahəsi Azərbaycan-Vyetnam münasibətlərinin ən mühüm istiqamətlərindən biridir. Azərbaycanın bu sahədə topladığı təcrübə, beynəlxalq enerji bazarlarında qazandığı mövqe və həyata keçirdiyi genişmiqyaslı layihələr əməkdaşlıq üçün əlverişli şərait yaradır. SOCAR və PetroVietnam arasında əlaqələrin inkişafı enerji sektorunda qarşılıqlı fəaliyyətin genişləndirilməsi baxımından əhəmiyyətlidir. Bununla yanaşı, alternativ və bərpaolunan enerji mənbələrinə artan maraq iki ölkə arasında yeni investisiya imkanlarının yaranmasına şərait yarada bilər. Azərbaycanın yaşıl enerji sahəsində həyata keçirdiyi layihələr Vyetnamla bu istiqamətdə təcrübə mübadiləsi və birgə təşəbbüslər üçün geniş perspektivlər açır.
Ülviyyə Həmzəyevanın sözlərinə görə, münasibətlərin inkişafında nəqliyyat və logistika sahəsi də xüsusi yer tutur. Azərbaycanın Şərqlə Qərbi birləşdirən mühüm nəqliyyat qovşaqlarından birində yerləşməsi ölkəmizin beynəlxalq ticarətdə rolunu daha da artırır. Müasir limanlar, dəmir yolları və avtomobil magistralları Azərbaycanın tranzit imkanlarını genişləndirən əsas amillərdəndir. Bu baxımdan Vyetnamın istehsal etdiyi məhsulların Azərbaycan üzərindən Avropa bazarlarına çatdırılması qarşılıqlı iqtisadi maraqlara xidmət edə bilər. Belə əməkdaşlıq Azərbaycanın beynəlxalq nəqliyyat dəhlizlərində mövqeyini gücləndirməklə yanaşı, Asiya və Avropa arasında iqtisadi əlaqələrin genişlənməsinə də töhfə verə bilər.Azərbaycan-Vyetnam əlaqələrinin əhəmiyyəti yalnız iqtisadi və siyasi sahələrlə məhdudlaşmır. Təhsil, elm, mədəniyyət və humanitar əməkdaşlıq da xalqlar arasında yaxınlığın formalaşmasında mühüm rol oynayır. Azərbaycanın Vyetnamda həyata keçirilən sosial və humanitar təşəbbüslərə verdiyi dəstək ölkəmizin beynəlxalq münasibətlərdə həmrəylik və qarşılıqlı yardım prinsiplərinə sadiqliyini nümayiş etdirir. Tələbə mübadiləsi proqramlarının genişləndirilməsi, universitetlər arasında əlaqələrin qurulması və mədəni tədbirlərin təşkili iki xalqın bir-birinin tarixi və milli dəyərlərini daha yaxından tanımasına şərait yarada bilər.
Deputat qeyd edib ki, Prezident İlham Əliyevin Vyetnama səfəri Azərbaycanın xarici siyasətində çoxşaxəli əməkdaşlığa verilən önəmin növbəti ifadəsidir. Bu səfər bir daha göstərir ki, Azərbaycan beynəlxalq münasibətlər sistemində etibarlı tərəfdaş kimi mövqeyini möhkəmləndirməyə, müxtəlif regionlarla qarşılıqlı faydalı əlaqələr qurmağa və yeni iqtisadi imkanlardan yararlanmağa çalışır.Azərbaycan və Vyetnam arasında münasibətlərin inkişafı iki ölkənin qarşılıqlı maraqlarına əsaslanan uzunmüddətli əməkdaşlıq modelinin formalaşması üçün mühüm imkanlar yaradır. Siyasi dialoqun iqtisadi, enerji, nəqliyyat və humanitar sahələrdə konkret layihələrlə tamamlanması bu tərəfdaşlığın real nəticələrini daha da artıracaq. Əminliklə demək olar ki, hazırda Azərbaycan-Vyetnam münasibətlərində müşahidə olunan fəallıq gələcək illərdə daha geniş əməkdaşlıq imkanlarının yaranmasına, ölkələrimiz arasında dostluq əlaqələrinin möhkəmlənməsinə və Azərbaycanın beynəlxalq mövqeyinin daha da güclənməsinə xidmət edəcək.
Zaur Şükürov: Ağdam əvvəlki şöhrətinə qovuşur
Azərbaycan Respublikasının Prezidenti İlham Əliyevin 2023-cü il iyulun 31-də imzaladığı Sərəncama əsasən, Ağdam şəhərinin işğaldan azad edildiyi 20 noyabr tarixi hər il Ağdam Şəhəri Günü kimi qeyd olunur. Bu əlamətdar gün Ağdamın tarixi Zəfərimizin təcəssümü, xalqımızın milli iradəsinin və dövlətimizin qətiyyətinin rəmzi kimi xüsusi əhəmiyyət daşıyır.XVIII əsrin birinci yarısında Pənahəli xan Ağdam şəhərində özünə ağ daşdan imarət tikdirməyi əmr etmişdir. Həmin dövrdən etibarən “Ağdam” - yəni “işıqlı ev”, “günəşlə nurlanmış məkan” adı bu torpağa yaraşmış və xalq arasında xüsusi simvolik məna kəsb etmişdir. 1930-cu ildə inzibati rayon kimi yaradılan Ağdam, 1094 kvadratkilometr ərazisi ilə Azərbaycanın qədim yaşayış məskənlərindən biri hesab...
20 Noyabr 2026, 10:17
Rövşən Muradov: Azərbaycan–Vyetnam əlaqələri yeni mərhələyə qədəm qoyur
Azərbaycanın Cənub-Şərqi Asiya istiqamətində diplomatik fəallığı yalnız iqtisadi tərəfdaşların coğrafiyasını genişləndirmək məqsədi daşımır. Bu siyasətin arxasında beynəlxalq münasibətlərin dəyişən xarakterini düzgün qiymətləndirmək, yeni siyasi və iqtisadi imkanlardan milli mənafelərə uyğun istifadə etmək kimi daha geniş strateji yanaşma dayanır. Prezident İlham Əliyevin Vyetnam Xəbər Agentliyinə verdiyi müsahibə də Azərbaycan–Vyetnam münasibətlərinin gələcəyinə məhz bu müstəvidən baxmağa əsas verir. Burada diqqəti cəlb edən başlıca məqam tarixən formalaşmış dövlətlərarası əlaqələrin müasir geosiyasi şəraitdə qarşılıqlı maraqlara əsaslanan əməkdaşlıq sisteminə çevrilməsidir.Citypost.az xəbər verir ki, bu sözləri Milli Məclisin deputatı Rövşən Muradov Oxu24.com-a açıqlamasında bildirib.Rövşən Muradovun sözlərinə görə, Bakı ilə Hanoy arasında siyasi münasibətlərin dəyəri, ilk növbədə, dövlətçilik...
20 Noyabr 2026, 10:05
Pərvanə Vəliyeva: Ağdamın azad edilməsi tarixi ədalətin bərpasının təntənəsidir
20 Noyabr tarixi Ağdamın uzun illər davam edən işğaldan azad edilməsini, tarixi ədalətin bərpasını, dövlətimizin siyasi iradəsini və xalqımızın doğma torpaqlara qayıdış əzmini təcəssüm etdirən əlamətdar bir gündür. Ağdam Azərbaycan xalqının zəngin tarixi-mədəni irsinin, milli kimliyinin, zəhmətsevərliyinin və Qarabağ torpağına bağlılığının rəmzidir. Ağdam tarixən Qarabağın mühüm yaşayış, ticarət, sənətkarlıq və mədəniyyət mərkəzlərindən biri olmuşdur. Əlverişli coğrafi mövqeyi, münbit torpaqları, kənd təsərrüfatı potensialı və zəngin təbii sərvətləri onun iqtisadi inkişafında mühüm rol oynamışdır. Ağdamın tanınmış abidələri sırasında Pənahəli xanın İmarət kompleksi, Cümə məscidi, türbələr, qəbiristanlıqlar və digər tarixi-mədəni nümunələr xüsusi yer tutur.Bu sözləri Milli Məclisin deputatı Pərvanə Vəliyeva Citypost.az-a açıqlamasında bildirib.Deputatın...
20 Noyabr 2026, 09:52
Prezident İlham Əliyevin Vyetnamın Baş naziri ilə görüşü olub
Azərbaycan Prezidenti İlham Əliyevin noyabrın 20-də Vyetnamın Baş naziri Le Minh Hunq ilə görüşü olub.Bu barədə Citypost.az xəbər verib.
20 Noyabr 2026, 09:23
İlham Əliyev Hanoyda Ho Şi Minin məqbərəsini ziyarət edib
Azərbaycan Respublikasının Prezidenti İlham Əliyev noyabrın 20-də Hanoyda Vyetnam Sosialist Respublikasının qurucusu Ho Şi Minin məqbərəsini ziyarət edib.Bu barədə Citypost.az xəbər verir ki, məqbərənin qarşısında fəxri qarovul dəstəsi düzülmüşdü.Prezident İlham Əliyev Ho Şi Minin xatirəsinə ehtiramını bildirib, məqbərənin önünə əklil qoyub.
20 Noyabr 2026, 08:51
Prezident İlham Əliyev Hanoyda “İnqilab şəhidləri” abidəsini ziyarət edib
Azərbaycan Respublikasının Prezidenti İlham Əliyev noyabrın 20-də Hanoyda “İnqilab şəhidləri” abidəsini ziyarət edib.Bu barədə Citypost.az xəbər verir ki,abidənin qarşısında fəxri qarovul dəstəsi düzülmüşdü.Prezident İlham Əliyev abidənin önünə əklil qoydu.
20 Noyabr 2026, 08:48