Argentina prokuroru Xamneyinin həbsini tələb edir
Dünya 10 Aprel 2025, 16:00
584
Argentina prokuroru Sebastian Basso ölkənin federal məhkəməsindən İranın ali dini lideri Ayətullah Xameneini 1994-cü ildə Buenos-Ayresdə yəhudi mərkəzində 85 nəfərin ölümü ilə nəticələnən partlayışla bağlı istintaq çərçivəsində həbs olunmasını xahiş edib.
Citypost.az bu barədə "İnfobae" xəbər agentliyinə istinadən bildirir.
Portalın məlumatına görə, 1994-cü ildə Buenos-Ayres partlayışı ilə bağlı istintaqın rəhbəri olan Basso məhkəməyə verdiyi ərizədə İran liderinin hücumun planlaşdırılması və həyata keçirilməsində əli olduğu iddiasına görə araşdırılmalı olduğunu bildirib. Basso açıqlamasında həmçinin terror aktını törətməkdə ittiham olunanların hamısının qiyabi mühakimə olunmasını tələb edib.
"Prokuror Sebastian Basso federal hakim Daniel Rafekasdan İranın ali dini lideri Əli Hüseyni Xamneyinin milli və beynəlxalq həbsinə order verilməsini istəyib. Bu tələb 1994-cü il iyulun 18-də Buenos Ayresdə törədilmiş terror aktı ilə bağlı qiyabi mühakimə tələbinin bir hissəsidir".
“İnfobae”nin məlumatına görə, hakimin prokurorun müraciətinə baxması və bir neçə gün ərzində İranın ali liderinin həbsinə order verib-verməməsi barədə qərar verməsi gözlənilir.
Portal vurğulayır ki, Xamenei haqqında həbs qərarı Argentina ilə İran arasında münasibətləri pisləşdirə bilər.
2024-cü ildə Argentina prezidentinin sözçüsü Manuel Adorni bildirmişdi ki, Argentina 1994-cü ildə Buenos-Ayresdə yəhudi mədəniyyət mərkəzinə törədilən terror aktında iştirakına görə İranın daxili işlər naziri Əhməd Vahidinin həbsini İnterpolla xahiş edib.
1994-cü ildə Buenos-Ayresdəki yəhudi mədəniyyət mərkəzinin yaxınlığında partladılmış bomba 85 nəfərin ölümünə və 200-dən çox insanın yaralanmasına səbəb olub.Argentina keçmiş prezident Haşimi Rəfsəncani və yeddi keçmiş hökumət rəsmisi də daxil olmaqla, bir sıra yüksək rütbəli iranlıları ölkədə indiyə qədər törədilən ən böyük terror aktının təşkilində əli olmaqda ittiham edib. İran hakimiyyəti həmişə ittihamları qəti şəkildə rədd edib.
Yeganə
Ən son xəbərləri bizim Facebook kanalımızda izləyin
Ən son xəbərləri bizim Instagram kanalımızda izləyin
WSJ: Tramp Administrasiyası Suriyanın yeni rəhbərliyini hədələyir
The Wall Street Journal yazır ki, Tramp administrasiyası Dəməşqdən ekstremistlərə qarşı sərt tədbirlər görməsini və məhdud sanksiyaların aradan qaldırılması müqabilində fələstinli yaraqlıları ölkədən çıxarmasını istəyir.
18 Aprel 2025, 17:30
Tramp əmindir ki, Aİ ilə ticarət razılaşması əldə edəcək
ABŞ prezidenti Donald Tramp və İtaliyanın baş naziri Corciya Meloni ABŞ və Avropa İttifaqının (Aİ) ticarət tarifləri ilə bağlı razılığa gələ biləcəklərinə əmin olduqlarını bildiriblər.
18 Aprel 2025, 17:17
NATO ABŞ administrasiyasına görə sənədlərdə dili "yumşaldır"
“Politico” öz mənbələrinə istinadən xəbər verir ki, Şimali Atlantika Alyansı (NATO) hazırda inklüzivlik, gender problemləri və iqlimlə bağlı sənədlərdəki ifadələri bilərəkdən "yumşaldır".
18 Aprel 2025, 16:44
Zelenskidən FƏRMAN: Səfərbərliyin müddəti uzadıldı
Ukrayna prezidenti Volodimir Zelenski ölkədə hərbi vəziyyətin və ümumi səfərbərliyin 2025-ci il avqustun 6-dək uzadılmasını nəzərdə tutan qanunları imzalayıb.
18 Aprel 2025, 16:30
Kainatın "itkin" maddəsi tapıldı-Tədqiqat
İllərdir sirr olaraq qalan “itkin baryonlar” nəhayət ortaya çıxıb. Beynəlxalq astronomlar qrupu aşkar edib ki, kainatın görünən maddəsinin itkin yarısı qalaktikaları əhatə edən nəhəng hidrogen buludlarında gizlənib.
18 Aprel 2025, 16:16
Qəzzada körpələr qida və dərman çatışmazlığından ölür
İsrailin martın 2-dən bəri yardımların girməsinə icazə vermədiyi Qəzza zolağında 11 aylıq körpə qida və dərman çatışmazlığı səbəbindən həyatını itirib.
18 Aprel 2025, 15:49
