Fizika qaydalarını alt-üst edən yeni maddə kəşf edildi

Amerikalı tədqiqatçılar qızdırıldıqda büzülən, sıxıldıqda isə genişlənən qeyri-adi material aşkar ediblər. Bu xüsusiyyətləri ilə, fizika qanunlarına zidd olan yeni material, elektrik avtomobilinin (EV) akkumulyatorlarını ilk günkü performansına qaytarmağa kömək edə bilər.

CityPost.az xəbər verir ki, Çikaqo Universitetinin Molekulyar Mühəndislik Məktəbi və Kaliforniya Universitetindən olan elm adamları termodinamikanın əsas qanunlarına zidd davranış nümayiş etdirən maddələrin yeni sinfini kəşf ediblər.

Bu yeni kəşf edilmiş metastabil maddələr qızdırıldıqda həcmcə kiçilir və yüksək təzyiq altında genişlənir.

Tədqiqat qrupuna rəhbərlik edən Professor Shirley Menq yeni kəşf barədə bu fikirləri bildirib: "Biz bu materialların xassələrini redoks kimyası vasitəsilə tənzimləyə biləcəyimizi düşünürük. Bu, həqiqətən də maraqlı tətbiqlər aça bilər".

Araşdırmanın nəticələri "Nature" jurnalında dərc olunub.

Fizika qanunlarına zidd olan xüsusiyyətlər

Termodinamikanın qanunlarına görə, maddə qızdırıldıqda genişlənir, sıxıldıqda isə həcmi azalır. Lakin tədqiqatçılar bu qaydalara zidd davranan metastabil materiallar hazırlayıblar.

Prof. Menq qeyd edib: "Materialı qızdırdığınız zaman onun həcmi kiçilir. Bu olduqca qeyri-adi haldır".

Maddənin bu davranışı təkcə fundamental elm üçün deyil, həm də tətbiqi texnologiyalar üçün inqilabi xarakter daşıyır.

Xüsusilə elektrikli avtomobil akkumulyatorlarının yenilənməsi, konstruktiv akkumulyator sistemləri və istiliyə davamlı materialların istehsalı kimi sahələrdə böyük imkanlar təqdim edir.

Struktur batareya və sıfır istilik genişlənməsi mümkündür

Araşdırma qrupundan Dr. Minghao Zhang qeyd etdi ki, bu yeni sinif materialları sıfır istilik genişlənməsini nümayiş etdirmək üçün tənzimlənə bilər. Bu, tikinti sənayesində də inqilab edə bilər.

"Hər bir binada istifadə olunan müxtəlif tikinti materiallarında istilik səbəbindən həcm dəyişikliyi ciddi problemlər yarada bilər. Lakin bu materiallar sayəsində belə problemlərin qarşısını almaq olar".

Onun həm təzyiq, həm də istilik altında davranışı təəccüblüdür: Maddə gigapaskal səviyyəsində güclü təzyiq altında belə genişlənməyə davam edir.

Köhnəlmiş batareyalar orijinal vəziyyətinə qaytarıla bilər

Tədqiqatçılar bu materialların elektrokimyəvi enerjiyə reaksiyasını da öyrəniblər. Bu metastabil maddələrə elektrik gərginliyi tətbiq edildikdə, onlar ilkin sabit vəziyyətinə qayıda bilirlər. Bu o deməkdir ki, istifadə olunan EV batareyalarının tutumu yenidən artırıla bilər.

Məqsəd elmi kəşfdən sənayeyə keçiddir

Həmçinin oxuyun

Kanadalı alimlərdən MÜHÜM KƏŞF: Mars bir vaxtlar yaşayış üçün yararlı olub

Prezident onları nazir müavini təyin etdi 

Cərimələrdən yığılan pulun 50 faizi bu şəxslərə veriləcək — Prezident fərman imzaladı   

Orduxan da prokurorluğa çağırıldı - Barəsində həbs qərarı var 

Tədqiqatın digər bir töhfəsi də fundamental elmlərdə anlayışa yeni bir ölçü əlavə etməsidir. Prof.essor Menq qeyd edib ki, bu, təkcə texnoloji deyil, həm də elmi paradiqma dəyişikliyidir.

Tədqiqatçılar yeni materialın kimyəvi davranışını daha ətraflı öyrənməklə onu enerji saxlama sistemlərindən tutmuş kosmik texnologiyalara qədər bir çox sahədə tətbiq oluna bilən hala gətirməyi hədəfləyirlər.

Yeganə