Yeni prostat xərçəngi testi: Evdə asanlıqla tətbiq olunacaq 

İngiltərədəki elm adamları evdə asanlıqla tətbiq oluna bilən və kişilərin genetik quruluşundakı dəyişiklikləri araşdıran yeni tüpürcək testi hazırlayıblar.

Citypost.az xəbər verir ki, testin mövcud prostat xərçəngi müayinə üsulları ilə müqayisədə daha uğurlu nəticələr verdiyi bildirilib.

Prostat vəzi xərçəngində erkən diaqnozun həyati əhəmiyyət daşıdığını vurğulayan mütəxəssislər, bu yeni test sayəsində aqressiv şişlərin daha yüksək nisbətdə təsbit edilə biləcəyini və lazımsız müayinələrin azaldıla biləcəyini qeyd etdilər.

Hazırkı test bəzi xərçəngləri qaçıra bilər

Hal-hazırda prostat xərçəngi riskini qiymətləndirmək üçün istifadə edilən əsas üsul qanda prostata xas antigenin (PSA) səviyyəsini ölçən testlərdir.

Bununla belə, bu testlər bəzən yanlış nəticələr verə və ya aqressiv halları qaçıra bilər. NHS yalnız həkim lazım bildiyi və ya 50 yaşdan yuxarı kişilər tərəfindən tələb edildiyi təqdirdə PSA testini təklif edir.

Tədqiqatçılar PSA testinə alternativ olaraq “poligenik risk balı” adlı bir üsul hazırladılar və tüpürcək nümunələrində prostat xərçəngi ilə əlaqəli 130 genetik variantı təhlil etdilər.

Həmçinin oxuyun

Kanadalı alimlərdən MÜHÜM KƏŞF: Mars bir vaxtlar yaşayış üçün yararlı olub

Prezident onları nazir müavini təyin etdi 

Cərimələrdən yığılan pulun 50 faizi bu şəxslərə veriləcək — Prezident fərman imzaladı   

Orduxan da prokurorluğa çağırıldı - Barəsində həbs qərarı var 

Milli seçim proqramı üçün yeni ümid

Yeni testin mövcud PSA testi ilə müqayisədə üstünlüklərə malik olduğu bildirildi, xüsusən də aqressiv şişləri daha yüksək sürətlə aşkarladığı və yalan-müsbət nisbətləri azaltdığı üçün. Həmçinin, bu testin MRT müayinələri ilə qaçırılan bəzi xərçəng növlərini aşkarlaya biləcəyi ifadə edildi.

Araşdırmanın nəticələri "New England Journal of Medicine" tibb jurnalında dərc olunub. Mütəxəssislər bu üsulun erkən diaqnoz sayəsində NHS-ə ildə təxminən 500 milyon funt-sterlinqə qənaət edə biləcəyini söyləyirlər.

Yeganə