Bizə yazın

Baku

-°C

USD

-

Musiqidə zövq böhranına 7 əfsanə ilə cavab: Yaqut Xəlilzadədən iddialı layihə

Sənət aləmi 21 Noyabr 2026, 11:15

557

Azərbaycan musiqi irsinin qorunması və təbliği məqsədilə hazırlanan “Dünənimiz – bugünümüz” adlı layihənin təqdimat mərasimi və media nümayəndələrinin iştirakı ilə mətbuat konfransı keçirilib.

Citypost.az xəbər verir ki, təqdimat mərasimində layihənin ideyası, məqsədi, hazırlanma prosesi və musiqi konsepsiyası haqqında ətraflı məlumat verilib, iştirakçılara layihəni əks etdirən videoçarx nümayiş olunub.

Layihənin əsas məqsədi Azərbaycan musiqi tarixində özünəməxsus yeri olan yeddi görkəmli xanım sənətkarın yaradıcılığını yenidən gündəmə gətirmək, onların unudulmaz ifalarını xatırlatmaq və bu zəngin musiqi irsini müasir auditoriyaya tanıtmaqdır.

Layihə çərçivəsində ustad sənətkarlar Yavər Kələntərli, Fatma Mehrəliyeva, Nərminə Məmmədova, Şövkət Ələkbərova, Rübabə Muradova, Sara Qədimova və Zeynəb Xanlarovanın repertuarlarına müraciət olunub.

Həmin sənətkarların yaddaşlara həkk olunmuş ifaları müğənni Yaqut Xəlilzadə tərəfindən müasir formada yenidən təqdim edilib. Layihədə əsas məqsəd orijinal ifaların bədii ruhunu qorumaqla yanaşı, onları yeni musiqi yanaşması ilə bugünkü dinləyicilərə çatdırmaqdır.

Layihənin rəhbəri Asif Kərimov, prodüseri və konsertmeysteri Fərid Atazadə, ifaçısı isə Yaqut Xəlilzadədir.

Təqdimat mərasimindən sonra keçirilən mətbuat konfransında jurnalistlər yaradıcı heyətə suallar ünvanlayıb, layihənin ərsəyə gəlməsi, seçilən sənətkarlar və gələcək planlarla bağlı maraqlanıblar.

Qeyri-peşəkar və zövqsüz musiqilərin tüğyan etdiyi bir zamanda tanınmış musiqişünas Asif Kərimovun yenə də öz ənənəsinə sadiq qalaraq keyfiyyətli musiqilərin təbliğatı üçün belə bir layihə ərsəyə gətirməsi media nümayəndələri və sənət adamları tərəfindən müsbət qiymətləndirilib.

Qeyd edək ki, “Dünənimiz – bugünümüz” layihəsi Azərbaycan musiqisinin görkəmli nümayəndələrinin sənət irsini yaşatmaq, onların yaradıcılığını yeni nəsillərə tanıtmaq və milli musiqi ənənələrinin davamlılığını təmin etmək məqsədi daşıyır.

Problemlərinizi bizə bildirin

077 323 55 66

İşdən çıxarılan aktrisanın açıqlamasına TEATRDAN CAVAB 

Tanınmış aktrisa Sonaxanım Əliyevanın “Uzun illər Gənc Tamaşaçılar Teatrında çalışmışam. Mənə dedilər ki, ya ərizəni yaz çıx, ya da “statya” ilə çıxaracağıq. 6 ildir ki, işsizəm, teatra müraciət edirəm, deyirlər yer yoxdur” açıqlaması sosial şəbəkələrdə geniş müzakirələrə səbəb olub.Citypost.az xəbər verir ki, Teatrın mətbuat katibi Samirə Əşrəf Yenicag.az-a açıqlamasında Sonaxanım Əliyeva ilə bağlı bildirib ki, “Sonaxanım Əliyeva 2006-cı ilin noyabr ayında Azərbaycan Dövlət Milli Gənc Tamaşaçılar Teatrına aktrisa kimi işə qəbul olunub. 2010-cu ilin sentyabrında isə öz ərizəsi ilə teatrdakı işindən ayrılıb. Sonrakı dövrlərdə işlə bağlı teatra hər hansı rəsmi müraciəti olmayıb”.Qeyd edək ki, aktrisa Sonaxanım Əliyeva bu açıqlamanı Space...

19 Noyabr 2026, 15:25

"GTA 6"nın qurucusu Alim Qasımovun ifasını necə tapıb?

Alim Qasımov və Fərqanə Qasımovanın Nelli Furtadonun məşhur "Say It Right" mahnısını muğam üslubunda ifası "Grand Theft Auto VI" (GTA 6) oyununda səslənməsi ilə bağlı məsələyə aydınlıq gətirilib.Xalq artisti Alim Qasımov sözügedən mövzu ilə bağlı Oxu.Az-a danışıb.O qeyd edib ki, paylaşımlardan məlumatlıdırlar, çünki müqavilə var:"Haqqıma girməyiblər, məlumatlıyam. Ömrümdə ilk dəfədir ki, hansısa jurnalist uğuruma görə təbrik edir. Sizə təşəkkür edirəm".Alim Qasımovun köməkçisi İlkin Robin Oxu.Az-a açıqlamasında qeyd edib ki, danışıqlar 2025-ci ilin iyun ayında olub:"Rockstar Games"in qurucularından biri bizə təklif etdi ki, belə bir mahnı görüblər.Onlar növbəti oyunun yayımında "Say It Right" mahnısını muğam üslubunda ifasından istifadə etmək istədiklərini bildirdilər....

19 Noyabr 2026, 12:05

Rasim İsmayılovun 90 illik yubileyi qeyd olunub.

Noyabrın 18-də Azərbaycan Dövlət Film Fondunda görkəmli kinorejissor və kinooperor, Əməkdar incəsənət xadimi Rasim İsmayılovun 90 illik yubileyi keçirildi. Tədbir çərçivəsində sənətkarın həyat və yaradıcılığını özündə əks etdirən fotosərginin açılışı oldu.Citypost.az xəbər verir ki, xatirə gecəsini giriş sözü ilə tədbirin aparıcısı, Azərbaycan Dövlət Film Fondunun direktoru, Əməkdar incəsənət xadimi Cəmil Quliyev açaraq, Rasim İsmayılovun çoxşaxəli yaradıcılıq yolu haqqında ətraflı məlumat verdi. Sonra çıxış edən Xalq artisti, Azərbaycan Kinematoqrafçılar İttifaqının sədri Şəfiqə Məmmədova, Xalq artisti Xalidə Quliyeva, Əməkdar incəsənət xadimləri Rafiq Qəmbərov, Yuri Varnovski, Elxan Cəfərov, “Asif, Vasif, Ağasif” filmində baş rolun ifaçısı Emil Pənahov görkəmli sənətkar haqqında xatirələrini bölüşdülər. Sonda...

19 Noyabr 2026, 10:14

“Muğam harada səslənirsə-səslənsin, ehtiramla təqdim olunmalıdır” – TARZƏN

Sənət məkan tanımır, keyfiyyət isə hər zaman öz dinləyicisini tapır!Könül Xasıyeva harada oxuyursa-oxusun, o, öz sənətinin sənətkarıdır! Bəzən sənət adamlarından belə fikirlər eşidirik: guya insanlar milli musiqiyə, klassik əsərlərə maraq göstərmirlər. Elə buna görə də bəziləri maddi qazanc əldə etmək, YouTube-da baxış sayı toplamaq, toy bazarında tanınmaq, trendə çevrilmək və ya özlərinə brend yaratmaq naminə bədii-estetik dəyəri və mənşəyi bəlli olmayan musiqi nümunələrinə üz tuturlar.Bəs onda bir məqam üzərində düşünməyə dəyər: Əksəriyyətini gənclərin təşkil etdiyi bir pubda Könül Xasıyevanın muğam ifasına bu qədər diqqət və maraq haradan qaynaqlanır? Niyə insanlar onu böyük həvəslə dinləyir, telefonlarına çəkir və həmin anları paylaşmağa tələsirlər?Deməli,...

19 Noyabr 2026, 00:40

Azərbaycan aktyorları məşhur Yaponiya serialında - GÖRÜNTÜLƏR

Yaponiyanın TBS telekanalının reytinqli “VIVANT” serialının ikinci mövsümünün çəkilişləri Azərbaycanda aparılıb.Modern.az xəbər verir ki, Beynəlxalq layihənin çəkilişlərində 26 azərbaycanlı aktyor iştirak edərək müxtəlif obrazları canlandırıb.Azərbaycan Respublikası Kino Agentliyinin (ARKA) nəzdində fəaliyyət göstərən Azərbaycan Film Komissiyası və "Baku Media Center"in əməkdaşlığı çərçivəsində reallaşan layihə ölkəmizin beynəlxalq kino istehsalı potensialını bir daha nümayiş etdirib. Bu cür irimiqyaslı layihələrin Azərbaycanda gerçəkləşdirilməsi yerli kino sənayesinin inkişafına, yaradıcı kadrların beynəlxalq təcrübə qazanmasına və ölkəmizin regional kino mərkəzi kimi tanıdılmasına mühüm töhfə verir....

17 Noyabr 2026, 18:20

ƏSA teatrının aktrisası vəfat etdi

Bakıda yerləşən ƏSA peşəkar inklüziv teatrının aktrisası Leyla Musayeva vəfat edib.Citypost.az xəbər verir ki, bu barədə teatrdan bildirilib.Qeyd edilib ki, ƏSA Teatrının “Aktyorluq laboratoriyası”nın üzvü olmuş Leyla Musayeva uzun sürən xəstəlik nəticəsində dünyasını dəyişib.2025-ci ilin sentyabr ayından etibarən ƏSA Teatrının kollektivinə qoşulan Leyla Musayeva burada “Axtarış”, “Hamlet” və “Paris Notr-Dam” tamaşalarında çıxış edib.“Onun həyat uğrunda mübarizəsi, teatra olan sevgisi və səhnəyə bağlılığı bizim üçün son dərəcə dəyərli idi. Leylanın əziz xatirəsi daim qəlbimizdə yaşayacaq”, - deyə ƏSA Teatrının bütün kollektivi adından mərhumun ailəsinə başsağlığı verilib.Allah rəhmət eləsin!...

17 Noyabr 2026, 17:48