Nə kərpic, nə də sement: evlər 5 günə tikilir
Maraqlı 04 Noyabr 2026, 10:46
550
Dünyada plastik tullantıların yaratdığı ekoloji problemlərə qarşı yeni həll yolları axtarılarkən, tikinti sektorunda diqqətçəkən texnologiya tətbiq olunmağa başlayıb. Kolumbiyada hazırlanan innovativ sistem vasitəsilə təkrar emal edilmiş plastik tullantılardan xüsusi tikinti blokları istehsal edilir. Bu bloklar bir-birinə xüsusi konstruksiya ilə birləşdirildiyindən divarların hörülməsi üçün ənənəvi sement məhluluna ehtiyac qalmır.
Metbuat.az xarici mediaya istinadən xəbər verir ki, yeni texnologiya həm ətraf mühitin qorunmasına, həm də mənzil tikintisinin sürətləndirilməsinə xidmət edir. Xüsusilə yaşayış evlərinə və sosial infrastruktura ehtiyacın yüksək olduğu bölgələrdə bu üsul daha əlçatan və alternativ tikinti modeli kimi maraq doğurur.
Kolumbiyanın "Conceptos Pladticos" şirkəti tərəfindən hazırlanan texnologiyada plastik tullantılar əvvəlcə çeşidlənir və xüsusi emal prosesindən keçirilir. Daha sonra qəliblərdə formaya salınaraq tikintidə istifadə oluna bilən möhkəm bloklara çevrilir.
Hazırlanan blokların əsas xüsusiyyəti xüsusi birləşmə mexanizminə malik olmasıdır. Bir-birinə keçirilərək quraşdırılan bu hissələr ənənəvi kərpic hörgüsündən fərqli olaraq sement məhlulu olmadan divarların inşasına imkan verir.
Şirkətin təqdim etdiyi sistemlə iki yataq otağı, mətbəx, hamam və yemək sahəsindən ibarət evin modulyar hissələrini təxminən 5 gün ərzində quraşdırmaq mümkündür.
Həmçinin oxuyun
Belə bir evin tikintisində təxminən 6 ton təkrar emal edilmiş plastikdən istifadə olunur. Şirkətin məlumatına əsasən, nümunə yaşayış evlərinin qiyməti 4 min-7 min dollar arasında dəyişir.
Bununla belə, qeyd olunan 5 günlük müddət evin bütün tikinti prosesinin başa çatması demək deyil. Bu vaxta bünövrənin hazırlanması, elektrik və su xətlərinin çəkilməsi kimi əlavə işlər daxil deyil.
Plastik blokların yüngül olması onların daşınmasını və quraşdırılmasını asanlaşdırır. Bundan başqa, istilik izolyasiyası və rütubətə davamlılıq kimi xüsusiyyətləri də bu materialın üstünlükləri sırasındadır.
Ən son xəbərləri bizim Facebook kanalımızda izləyin
Ən son xəbərləri bizim Instagram kanalımızda izləyin
Pələnglər qaranlıqda insanlardan niyə yaxşı görür? MARAQLI FAKT
Pələnglərin qaranlıqda insanlardan daha yaxşı görə bildiyini bilirdinizmi? Təbiətin ən güclü yırtıcılarından biri hesab olunan bu heyvanlar gecə saatlarında da ətraf mühiti müşahidə etmək, ovlarını izləmək və hərəkət edən obyektləri müəyyənləşdirmək qabiliyyətinə malikdirlər. İnsanların zəif işıqlandırılmış mühitdə görməkdə çətinlik çəkdiyi bir çox vəziyyətdə pələnglər ətrafdakı hərəkətləri daha asan seçə bilirlər. Bəs onların gözlərində bu üstünlüyü təmin edən nədir? Pələnglər qaranlıqda necə görür və bu qabiliyyət hansı bioloji xüsusiyyətlərlə bağlıdır?Citypost.az xəbər verir ki, Pələnglərin zəif işıq şəraitində yaxşı görməsinin əsas səbəblərindən biri gözlərinin torlu qişasında yerləşən xüsusi fotoreseptor hüceyrələrdir. Bu hüceyrələr çubuqcuqlar adlanır və əsas funksiyaları az işıqda görməni təmin etməkdir....
04 Noyabr 2026, 10:30
Yer kürəsi kosmik təhlükələrdən necə qorunur?
Hər gün Yer kürəsinin yaxınlığından və atmosferindən çoxsaylı kosmik cisimlər keçir. Kosmosun dərinliklərindən gələn kiçik toz zərrəcikləri, qaya parçaları, asteroidlər və kometlər planetimizin ətrafındakı kosmik mühitin ayrılmaz hissəsidir. İlk baxışdan sakit və təhlükəsiz görünən Yer əslində fasiləsiz olaraq kosmik material axınına məruz qalır. Bəs bütün bu cisimlərə baxmayaraq, niyə şəhərlərimiz nəhəng kraterlərlə dolu deyil? Niyə hər gün göydən təhlükəli meteoritlər yağmır? Bunun əsas səbəblərindən biri planetimizin təbii müdafiə mexanizmlərinə malik olmasıdır.Citypost.az-ın məlumatına görə, Yerin kosmik təhlükələrə qarşı ən mühüm müdafiə vasitəsi atmosferdir. Kosmosdan yüksək sürətlə Yerə doğru hərəkət edən kiçik meteoroidlər atmosferə daxil olduqda son dərəcə güclü fiziki proseslərlə qarşılaşırlar....
04 Noyabr 2026, 09:30
Betta balıqları niyə yarpaqların üzərində yatır? – Çoxlarının bilmədiyi maraqlı səbəb
Akvariumda saxlanılan betta balıqlarının davranışları bəzən insanlarda maraq doğurur. Xüsusilə bu balıqların suyun səthinə yaxın yerləşdirilmiş yarpaqların üzərinə çıxaraq hərəkətsiz dayanması və ya yatması bir çoxları tərəfindən oyun oynamaq, ətrafı müşahidə etmək kimi qəbul edilir. Lakin bu davranışın arxasında daha maraqlı bioloji xüsusiyyət dayanır. Betta balıqları istirahət etmək üçün özlərinə rahat yer seçir və yarpaqlar da onlar üçün təbii dayanacaq rolunu oynaya bilir.Citypost.az xəbər verir ki, Betta balıqları, elmi adı ilə Betta splendens, əsasən Cənub-Şərqi Asiyanın tropik bölgələrində, xüsusilə Tailandın dayaz, isti və bitki örtüyü ilə zəngin sularında yayılıb. Təbii yaşayış mühitlərində bu balıqların ətrafında su bitkiləri, yarpaqlar və müxtəlif...
04 Noyabr 2026, 08:30
Mutasiya nədir? DNT-də baş verən dəyişikliklər insan həyatına necə təsir edir?
İnsan orqanizminin bütün bioloji xüsusiyyətlərinin formalaşmasında genetik məlumat mühüm rol oynayır. Hüceyrələrimizin fəaliyyətindən tutmuş xarici görünüşümüzə, bəzi fərdi xüsusiyyətlərimizə və irsi meyillərimizə qədər bir çox proses DNT-də (dezoksiribonuklein turşusu) kodlaşdırılmış məlumatlarla əlaqəlidir. Lakin bu genetik kod həmişə dəyişməz qalmır. Bəzən DNT-də müəyyən dəyişikliklər baş verir və bu proses biologiyada mutasiya adlanır. Mutasiyalar canlıların inkişafına, sağlamlığına, irsi xüsusiyyətlərinə və hətta növlərin təkamülünə təsir göstərə bilər.Citypost.az xəbər verir ki, mutasiya genetik materialda, yəni DNT-nin ardıcıllığında baş verən qalıcı dəyişiklikdir. Bu dəyişikliklər genin müəyyən hissəsində, xromosomlarda və ya daha geniş miqyasda genomun müxtəlif bölgələrində meydana çıxa bilər. Bəzi mutasiyalar yalnız bir DNT hərfinin...
03 Noyabr 2026, 11:00
Çaxmağın içindəki “daş” əslində daş deyil: Qığılcım necə yaranır?
Gündəlik həyatda tez-tez istifadə etdiyimiz çaxmaqların iş prinsipi ilk baxışdan sadə görünsə də, onların daxilində maraqlı fiziki və kimyəvi proseslər baş verir. Bir düyməyə basmaqla yaranan kiçik qığılcım əslində xüsusi metal ərintisinin sürtünmə nəticəsində xırda hissəciklərə ayrılması və həmin hissəciklərin havada alışması hesabına meydana gəlir. Maraqlıdır ki, çaxmağın “daşı” adlandırdığımız detal heç də adi daş deyil. O, əsasən serium və dəmir tərkibli xüsusi metal ərintisindən hazırlanır.Citypost.az xəbər verir ki, adi mexaniki çaxmaqlarda qığılcımın yaranması üçün iki əsas detal birlikdə işləyir: metal ərintidən hazırlanmış çaxmaq daşı və onun üzərində fırlanan dişli çarx. İstifadəçi çarxı baş barmağı ilə çevirdikdə onun iti və...
03 Noyabr 2026, 10:00
Nikotin beyinə cəmi 10 saniyəyə çatır: asılılıq necə yaranır?
Siqaretin tərkibindəki nikotin insan orqanizminə təsir edən və güclü asılılıq yarada bilən maddələrdən biridir. Maraqlıdır ki, tütün bitkisi bu maddəni insanlarda asılılıq yaratmaq üçün deyil, təbiətdə özünü qorumaq, yarpaqlarını yeyən həşəratlara qarşı müdafiə olunmaq məqsədilə istehsal edir. Bitkinin zərərvericilərə qarşı istifadə etdiyi bu təbii kimyəvi müdafiə mexanizmi insan orqanizminə daxil olduqda isə tamamilə fərqli nəticələrə səbəb olur.Citypost.az-ın məlumatına görə, tütün bitkisi yarpaqları ilə qidalanan həşəratların hücumuna məruz qaldıqda müdafiə mexanizmini işə salır. Həşərat yarpağı gəmirərək zədələdikdə bitkidə bir sıra kimyəvi və bioloji reaksiyalar baş verir. Zədələnmə nəticəsində yaranan siqnallar bitkinin müdafiə sistemini aktivləşdirir və nikotin istehsalında iştirak edən proseslər güclənir....
03 Noyabr 2026, 09:00
