Roma Papası xəstəxanadan çıxdı

Ağır bronxit səbəbiylə ikitərəfli pnevmoniya diaqnozu ilə Romadakı Gemelli xəstəxanasında 37 gün müalicə olunan 88 yaşlı Papa bu gün ilk dəfə ictimaiyyət qarşısına çıxıb. 

Citypost.az xəbər verir ki, Papa Fransisk ənənəvi bazar günü namazı zamanı Gemelli Xəstəxanasının qarşısındakıları eyvandan salamlayıb. 

Əlil arabası ilə eyvana gətirilən Papa təxminən 2 dəqiqə balkonda qalıb. Görünən odur ki, yorğun olan Papa salamlaşma zamanı deyib: "Mən sarı çiçəkli bir xanım görürəm, necə də gözəldir". dedi. Papanın salamını xəstəxanaya toplaşan minlərlə insan izləyərkən, bəzi dindarların ağladığı, bəziləri isə çox xoşbəxt olduqlarını dilə gətirdilər. Papa Fransisk camaatla salamlaşdıqdan sonra maşınla xəstəxananı tərk edib. Dünyanın bir çox yerindən mətbuat nümayəndələri də Papanın salamını və xəstəxanadan ayrılmasını izləyiblər. Roma meri Roberto Qualtieri jurnalistlərə açıqlamasında Papa Fransiskin xəstəxanada müalicəsinin başa çatmasından və evə buraxılmasından məmnun olduğunu bildirib. Bu arada Roma Papası Fransisk xəstəxanadan çıxdıqdan sonra xaricə səfərlərdən əvvəl və qayıdarkən adətən dua etməyə getdiyi Romadakı Böyük Müqəddəs Məryəm Bazilikasının yanında dayanıb, oradan da Vatikanda olan iqamətgahına gedib.

Papa fevralın 14-dən xəstəxanada müalicə alırdı

Papa Fransisk fevralın 9 və 12-də keçirilən iki ictimai tədbirdə çıxış edə bilməyib, bronxit olduğunu və nəfəs almaqda çətinlik çəkdiyini bildirib və köməkçilərindən çıxış mətnlərini oxumağı xahiş edib. Bildirilib ki, fevralın 14-də xəstəxanaya yerləşdirilən Papanın tənəffüs yollarında polimikrob infeksiyası olub. Vatikan fevralın 18-də Papanın ikitərəfli pnevmoniyaya tutulduğunu və onun klinik vəziyyətinin mürəkkəb mənzərə yaratdığını elan etdi. Fevralın 22-də astma tutması keçirən Papanın vəziyyətinin kritik olduğu bildirilib. Vatikan fevralın 28-də bronxospazm tutması keçirən Papaya bronxoaspirasiya edildiyini, mexaniki ventilyasiyaya başlandığını və müalicəyə müsbət cavab verildiyini qeyd edib. Katoliklərin ruhani lideri martın 3-də iki dəfə kəskin tənəffüs çatışmazlığından əziyyət çəkdi və qeyri-invaziv mexaniki ventilyasiya yenidən işə salındı. Martın 4-dən stabil olan Papada cüzi sağalma əlamətləri görünməyə başlamışdı. Bildirilib ki, Papanın martın 12-də çəkilmiş döş qəfəsinin son rentgenoqrafiyası əvvəlki günlərdə qeyd olunan irəliləyişləri radioloji olaraq təsdiqləyib. Prof. Sergio Alfieri, martın 22-də verdiyi açıqlamada Papanın bundan sonra 2 ay dincəlməsi lazım olduğunu ifadə edərək, "Papa sabah xəstəxanadan çıxacaq. İki həftədir vəziyyəti stabildir" deyib.

Yeganə

Həmçinin oxuyun

Tədqiqat: Təbiətlə bağlı sənədli filmlər ağrıları yüngülləşdirə bilər  

Prezident yeni fərman imzaladı 

SON DƏQİQƏ! Kütləvi həbslər başladı: Siyahıda kimlər var?  

Prezident onları təltif etdi - Siyahı